+7 (701) 759 90 19
29 °С : نۇر-سۇلتان
30 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ەلوردادا قارجى پيراميداسىن قۇرعان ايەل ادامداردى الداپ 60 ميلليون تەڭگە جيناپ العان

16 قاراشا 13:13
:ءبولىسۋ
ەلوردادا قارجى پيراميداسىن قۇرعان ايەل ادامداردى الداپ 60 ميلليون تەڭگە جيناپ العان

نۇر-سۇلتان. قازاقپارات - ەلوردانىڭ قۇقىق قورعاۋشىلارى ازاماتتاردى قارجى پيراميداسىنان ساق بولۋعا شاقىرادى، دەپ حابارلايدى قازاقپارات ءتىلشىسى قالالىق پوليتسيا دەپارتامەنتىنە سىلتەمە جاساپ.

قازىرگى ۋاقىتتا قالا ساقشىلارى قارجى پيراميداسىن قۇردى دەگەن كۇدىكپەن قالا تۇرعىنى (ايەل) مەن ونىڭ بىرنەشە سىبايلاسى بويىنشا ءىس جۇرگىزىپ جاتىر. ءىستىڭ جۇرگىزىلۋىنە 30 سالىمشىنىڭ پوليتسياعا ارىزدانۋى سەبەپ بولىپ وتىر. WhatsApp ارقىلى «رەالنىە دوحودى 1»، «رەالنىە دوحودى 2» جانە «تريۋمف» چاتتارىن قۇرىپ، ايەل استانالىقتار مەن باسقا دا وڭىرلەردە تۇراتىن ازاماتتاردىڭ اقشاسىن جيناپ العان.

«ازاماتتاردىڭ سەنىمىن، قارجىلىق ساۋاتىنىڭ ازدىعىن پايدالانىپ، كۇدىكتى ولاردى بۇل جوبادان ەشقانداي ءقاۋىپ جوقتىعىن ايتىپ سەندىرگەن. جوباعا اقشا سالعان ادام 5-15 كۇننىڭ ىشىندە 100 پايىزدىق كىرىسكە يە بولاتىنىن العا تارتقان. ازاماتتار وسىلايشا، جوباعا 20 مىڭ تەڭگەدەن 2 ملن تەڭگەگە دەيىن اقشا سالعان. سالىمشىلاردىڭ باسىم كوپشىلىگى اقشاسىن قايتارا الماعان»، - دەپ حابارلايدى دەپارتامەنتتەن.

وسىلايشا، تەرگەۋ نۇسقاسىنا ساي، اككى ايەلدىڭ 32 ادامدى الداپ، 60 ميلليون تەڭگە يەمدەنگەنى انىقتالىپ وتىر. الايدا الدانعانداردىڭ سانى ودان دا كوپ بولۋى مۇمكىن.

«ەگەر ءسىز نەمەسە جاقىندارىڭىز اتالعان قارجى پيراميداسىنا اقشا سالىپ، الدانعان بولسا، بەيبىتشىلىك كوشەسى 19 -مەكەنجايىنداعى پوليتسيا دەپارتامەنتىنە جۇگىنۋىڭىزدى سۇرايمىز»، - دەلىنگەن حابارلامادا.

قالالىق پوليتسيا دەپارتامەنتى ازاماتتاردى قارجى پيرامياداسىنان ساق بولۋعا، كۇدىكتى قارجىلىق ۇيىمدارعا اقشانى سالماۋعا شاقىرادى. قۇقىق قورعاۋشىلار ەگەر ءبىر ادامدار سىزدەردى قىسقا مەرزىمنىڭ ىشىندە مول كىرىسكە يە بولاسىز دەپ سەندىرسە، الدىڭىزدا قارجى پيراميداسى تۇرعانىن، وعان سالعان اقشاڭىزدى جوعالتىپ الاتىنىڭىزدى ەسكەرتەدى.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات