+7 (701) 759 90 19 Лента
18 °С : نۇر-سۇلتان
27 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

ەلورداعا 60 وليمپيادا جۇلدەگەرى كەلەدى

12 قىركۇيەك 18:31
:ءبولىسۋ
ەلورداعا 60 وليمپيادا جۇلدەگەرى كەلەدى

نۇر- سۇلتان. قازاقپارات - ەلوردادا كۇرەس تۇرلەرىنەن وتەتىن الەم چەمپيوناتىنا بەس قۇرلىقتان 60 تان استام وليمپيادا چەمپيونى مەن جۇلدەگەرى كەلەدى، دەپ حابارلايدى قازاقپارات ءتىلشىسى.

بۇل تۋرالى ق ر گرەك- ريم كۇرەسىنىڭ ۆيتسە- پرەزيدەنتى داۋلەت تۇرلىحانوۆ «بارىس- ارەنا» ستاديونىندا وتكەن باسپا ءسوز ءماسليحاتىندا ايتتى.

«چەمپيوناتتا 1002 بالۋان باق سىنايدى. ولار 104 ەلدىڭ نامىسىن قورعايدى. ول تۋرالى اقپارات تاراتۋعا 250 دەن استام جۋرناليست تىركەلدى. ويتكەنى ەلوردا تورىنە بەس قۇرلىقتان 60 تان استام وليمپيادا چەمپيوندارى مەن جۇلدەگەرى كەلە جاتىر. ونىڭ ىشىندە قوناق رەتىندە تاماشالايتىن ارداگەرلەر دە، مەدالعا تالاساتىن بالۋاندار دا بار. اتاپ ايتساق، قازاقستاندىقتارعا ەتەنە تانىس بولىپ كەتكەن الەكساندر كارەلين، جاس امەريكالىق جۇلدىز كايل سنايدەر، ءتورت دۇركىن الەم چەمپيونى، وليمپيادا چەمپيونى دجوردان بارروۋز، جاپونيالىق ايگىلى چەمپيون كاوري يتە، ارتۋر الەكسانيان، لوپەس نۋنەس، قازاقستاننىڭ تۋماسى ۆالەري ريازانتسيەۆ، بەلارۋس سپورتشىسى كاماندار مادجيدوۆ، يراننان ايگىلى راسۋ حادەم كەلەدى» ، - دەدى داۋلەت تۇرلىحانوۆ.

ونىڭ ايتۋىنشا، بۇل جولعى چەمپيونات گرەك- ريم شەبەرلەرى ءۇشىن ناعىز سىنالاتىن ءسات بولماق.

«گرەك- ريم كۇرەسىنەن الەم چەميپوناتىنىڭ «التىنىن» الماعانىمىزعا 20 جىل بولىپتى. ءوز كىلەمىزدە سول ولقىلىقتىڭ ورنى تولۋى ءتيىس. سوڭعى كەزدە الەم چەميپوناتى مەن وليمپيادا ويىندارىندا بوكس پەن اۋىر اتلەتيكادان ابىرويىمىز بيىكتەپ ءجۇر عوي. سولاردىڭ ساپىنا بالۋاندارىمىز دا ەنۋى كەرەك. بوكسشىلارىمىزدىڭ جەڭىستى جولىن بالۋاندار جالعاستىرۋى كەرەك» ، - دەدى فەدەراتسيا وكىلى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات