+7 (701) 759 90 19 Лента
15 °С : نۇر-سۇلتان
22 °С : الماتى
USD 386.05 EUR 428.25
RUB 5.84 CNY 54.65
جاڭالىقتار

رومان سكليار: جىل سوڭىنا دەيىن 60 مىڭ اۆتوكولىك قۇراستىرىلادى

15 تامىز 15:07 60
:ءبولىسۋ
رومان سكليار: جىل سوڭىنا دەيىن 60 مىڭ اۆتوكولىك قۇراستىرىلادى

قوستاناي. قازاقپارات - بۇگىندە قازاقستانداعى كولىكتەردىڭ 57 پايىزى وتاندىق زاۋىتتاردا قۇراستىرىلعان. بۇل تۋرالى قوستانايداعى كولىك قۇراستىرۋ جونىندەگى ماجىلىستە يندۋستريا جانە ينفراقۇرىلىمدىق دامۋ ءمينيسترى رومان سكليار ءمالىم ەتتى، دەپ حابارلايدى قازاقپارات.

ۇكىمەت باسشىسى اسقار مامين قوستاناي قالاسىنداعى «سارى ارقااۆتوپروم» ا ق بازاسىندا اۋىل شارۋاشىلىعى تاۋار وندىرۋشىلەرىمەن كەزدەستى. جيىندا اۋىل شارۋاشىلىعى تەحنيكالارىن شىعارۋ ءىسى مەن وتاندىق اۆتوءوندىرىستىڭ دامۋى تالقىلاندى. يندۋستريا جانە ينفراقۇرىلىمدىق دامۋ ءمينيسترى رومان سكليار اۆتوكولىك شىعارۋدىڭ دامۋى مەن جەتىستىكتەرىنە توقتالدى. ايتۋىنشا، از عانا ۋاقىت ىشىندە ەلىمىزدە كولىك قۇراستىرۋدىڭ جاڭا باعىتى پايدا بولدى. ينۆەستيتسيالىق باعدارلامالار قابىلدانا باستادى. جاڭا يندۋستريالاندىرۋدىڭ ءبىرىنشى بەس جىلدىعىنىڭ قورىتىندىسىندا اۆتوموبيل ءوندىرىسى وڭدەۋ ونەركاسىبىندەگى ەڭ قارقىندى دامۋشى سالا رەتىندە تانىلدى.

«قازاقستاننىڭ اۆتوموبيل ونەركاسىبىنىڭ تاريحى جول تالعامايتىن «نيۆا» جەڭىل كولىك قۇراستىرۋدان باستاۋ الدى. مۇنان كەيىن ەلىمىزدە «سارى ارقا اۆتوپروم»، «سەماز»، «كاماز- ينجينيرينگ»،

«Hyun­dai Trans Auto», «Daewoo Bus Kazakhstan» سەكىلدى اۆتوكولىك قۇراستىرۋ كاسىپورىندارى پايدا بولدى.

بۇگىندە قازاقستان حالىقارالىق ەكولوگيالىق ستاندارتتارعا ساي كەلەتىن 167 كولىك ءتۇرىن قۇراستىرادى. ونىڭ ىشىندە جەڭىل اۆتوكولىكتىڭ 39 ءتۇرى شىعادى. جالپى قازىرگى قازاقستاننىڭ ماشينا جاساۋ سالاسىن كوپسالالى دەپ ايتۋعا بولادى. وعان ەلەكتر قۇرالدارىن، اككۋمۋلياتورلار، ستانوكتار مەن ءتۇرلى اسپاپتار، تاۋ- كەن، مەتاللۋرگيا، اۋىل شارۋاشىلىعى قۇرال- جابدىقتارىن، تاعى باسقا دا زاتتار شىعارۋ كىرەدى. ەلدەگى كولىكتەردىڭ 57 پايىزى ءوزىمىزدىڭ زاۋىتتاردا قۇراستىرىلادى. اۆتووندىرىستەگى وتاندىق ۇلەس 50 پايىزعا دەيىن جەتتى»، - دەدى رومان سكليار.

ءمينيستردىڭ سوزىنشە، 2019 -جىلدىڭ 7 ايىندا ەلدەگى ماشينا زاۋىتتارى 24 مىڭنان استام كولىك شىعارعان. جىل اياعىنا دەيىن 60 مىڭنان استام اۆتوكولىك قۇراستىرىلماق.

«جىل سوڭىنا دەيىن بالاماسى جوق ينجينيرينگ ورتالىعى ۇيىمداستىرىلادى. ونىڭ ماقساتى - بىلىكتى ءارى امبەباپ كادر دايىنداۋ ساياساتىن ىسكە اسىرۋ. بۇعان مەملەكەت تاراپىنان جان جاقتى قولداۋ كورسەتىلەدى»، - دەدى يندۋستريا جانە ينفراقۇرىلىمدىق دامۋ ءمينيسترى.

رومان سكليار ايتقانداي، جاڭادان اشىلاتىن ورتالىق ماماندارى اۆتوكولىك قۇراستىرۋدىڭ زاماناۋي تەتىكتەرىن دە ۇيرەتەدى.

اۆتور: قاسقىرباي قويشىمانوۆ


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات