+7 (701) 759 90 19 Лента
16 °С : نۇر-سۇلتان
14 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

كولىكتەگى پوليتسيا قۇقىق بۇزعاندارعا 60 ميلليونعا جۋىق تەڭگەگە ايىپپۇل سالدى

23 شىلدە 17:31 47
:ءبولىسۋ
كولىكتەگى پوليتسيا قۇقىق بۇزعاندارعا 60 ميلليونعا جۋىق تەڭگەگە ايىپپۇل سالدى

نۇر-سۇلتان. قازاقپارات - كولىك پوليتسەيلەرى جىل باسىنان بەرى ۇساق بۇزاقىلىق جاساعان 900 دەن اسا ادامدى اكىمشىلىك جاۋاپقا تارتتى. بۇل تۋرالى بۇگىن ق ر ءى ءى م كولىكتەگى پوليتسيا دەپارتامەنتىنىڭ باسپا ءسوز قىزمەتى حابارلادى.

باسپا ءسوز مالىمەتتەرىنە قاراعاندا، كولىكتەگى پوليتسيا دەپارتامەنتى مەن ونىڭ جەلىلىك بولىنىستەرىنىڭ قىزمەتكەرلەرى كەز كەلگەن قۇقىق بۇزۋشىلىققا توزبەۋشىلىك قاعيداتى بويىنشا جۇيەلى جۇمىس جۇرگىزۋدە.

اكىمشىلىك پوليتسيا باسقارماسىنىڭ مالىمەتى بويىنشا، اعىمداعى جىلدىڭ باسىنان بەرى 31233 قۇقىق بۇزۋشى اكىمشىلىك جاۋاپقا تارتىلدى. 400 دەن اسا ادام اكىمشىلىك قاماۋعا الىنىپ، 59 ميلليونعا جۋىق تەڭگە كولەمىندە ايىپپۇل سالىندى.

«سونداي-اق، قۇقىق بۇزۋشىلىققا «مۇلدەم توزبەۋشىلىك» قاعيداتى بويىنشا بەلسەندى جۇمىس جۇرگىزىلىپ، سونىڭ ناتيجەسىندە، جالپى پايدالانۋ ورىندارىن لاستاۋ بويىنشا 411، قوعامدىق ورىنداردا الكوگولدىك ىشىمدىكتەردى پايدالانىپ، ماساڭ كۇيدە بولعانى ءۇشىن 3788، تىيىم سالىنعان ورىنداردا تەمەكى شەككەنى ءۇشىن 2137، بەلگىلەنبەگەن ورىنداردا ساۋدا جاساعانى ءۇشىن 2013، تاۋلىكتىڭ تۇنگى ۋاقىتتارىندا بالالاردىڭ ۇلكەندەردىڭ ىلەسىپ ءجۇرۋىنسىز 274، بەلگىلەنبەگەن جەرلەردە تەمىر جول وتكەلدەرى ءۇشىن 15113 قۇقىق بۇزۋشى جانە ۇساق بۇزاقىلىق جاساعانى ءۇشىن 910 ادام اكىمشىلىك جاۋاپقا تارتىلدى»، - دەلىنگەن حابارلامادا.

سونداي-اق باسپا ءسوز قىزمەتىنىڭ دەرەكتەرى بويىنشا، قوعامدىق ورىنداردا ءتيىسۋ ارەكەتى بويىنشا 1461 ادام اكىمشىلىك جاۋاپقا تارتىلسا، ونىڭ 222 سى تاكسي جۇرگىزۋشىسى.

قابىلداپ- تاراتۋ ورىندارىنا تۇرعىلىقتى مەكەنجايى جوق 149 ادام ورنالاستىرىلىپ، 420 ادام مەديتسينالىق ايىقتىرعىشقا جىبەرىلگەن. ەلىمىزدىڭ اۋە جانە تەمىر جول كولىگى نىساندارىنان قاڭعىباستىق جانە قايىرشىلىق جاساعان كامەلەتكە تولماعان 100 جاس ءوسپىرىم بەيىمدەۋ ورتالىقتارىنا جەتكىزىلىپ، ورنالاستىرىلعان.

«جىل باسىنان بەرى كولىك پوليتسەيلەرى 14176 جولاۋشىلار پوەزدارىنا ىلەسىپ ءجۇردى. بۇعان قوسا، پوليتسەيلەر 349 بىرلەسكەن الدىن الۋ ءىس-شاراسىنن، 442 حالىقپەن جيىندار، 606 جولاۋشىلار پوەزدارىندا كەزدەسۋلەر جانە وقۋ ورىندارىندا 1060 ءدارىس وتكىزدى»، - دەپ مالىمدەدى باسپا ءسوز قىزمەتى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات