ەلدەگى قىلمىستىڭ 60 پايىزدان استامى ۇرلىقپەن بايلانىستى - ەرلان تۇرعىمبايەۆ

نۇر-سۇلتان. قازاقپارات - ق ر ىشكى ىستەر ءمينيسترى ەرلان تۇرعىمبايەۆ ەلدەگى كۇزەت قىزمەتى مەن پوليتسيا وكىلدەرىنىڭ بىرلەسكەن جۇمىسى ءالى دە جەتىلدىرۋدى قاجەت ەتەتىتىن اتادى، دەپ حابارلايدى قازاقپارات ءتىلشىسى.

ءمينيستردىڭ ايتۋىنشا، قۇرامىندا 100 مىڭعا جۋىق ادام جۇمىس ىستەيتىن ەلدەگى جەكە كۇزەت ۇيىمدارىنىڭ قوعامدىق ءتارتىپتى قاداعالاۋداعى الەۋەتى زور. سول الەۋەتتى بىرلەسە ارەكەت ەتۋ ارقىلى ءتيىمدى پايدالانۋ قاجەت.

«قالاي دەسەك تە كۇزەت ۇيىمدارى مەن پوليتسيا وكىلدەرى ەكى بولەك ارەكەت ەتىپ ءجۇرمىز. تەك قىلمىس پەن توسىن جاعدايلار كەزىندە عانا بىرلەسىپ جۇمىس ىستەيمىز. ەلدەگى قىلمىستىڭ 60 پايىزى ۇرلىقپەن قاتىستى. ءار بەسىنشى ۇرلىق پاتەردە تىركەلەدى. بۇعان كۇزەت قىزمەتى مەن پوليتسيا قىزمەتكەرلەرى بىرلەسىپ، ناقتى توسقاۋىل قويۋى قاجەت. ول توسقاۋىل قاعازدار مەن ەسەپتەر جۇزىندە ەمەس، ناقتى ءىس جۇزىندە جاسالۋى كەرەك»، - دەدى ەرلان تۇرعىمبايەۆ.

ىشكى ىستەر ءمينيسترى «سمارت-قالا» جوباسى اياسىندا نىسانداردىڭ قاۋىپسىزدىگىن زاماناۋي تەحنولوگيالاردىڭ كومەگىمەن كۇزەتۋ جۇمىستارى جەمىسىن بەرە باستاعانىن اتادى.

«سەرگەك» باقىلاۋ جۇيەسى نۇر- سۇلتان قالاسىنىڭ جولدارىنداعى ءتارتىپ بۇزۋشىلىقتىڭ 60 پايىزىن انىقتادى. قازاقستان بويىنشا 2000 نان استام كۇزەت ۇيىمى سيگناليزاتسيا جۇيەسىن ورناتۋمەن اينالىسادى. ونداي جۇيەنىڭ ءتيىمدى ەكەنىن ۋاقىت كورسەتىپ وتىر. نىسان يەلەرى ءۇشىن بۇل الدەقايدا ارزانعا تۇسەدى. «سمارت-قالا» جوباسى بۇل سيگنال قۇرالدارىن ۇيالى تەلەفونعا جالعاۋعا مۇمكىندىك بەرەدى. وسىنداي جولمەن جەكە پاتەرلەردى ءدى كۇزەتۋگە بولادى»، - دەدى ەرلان تۇرعىمبايەۆ.