كوشكىن: 60 تان استام ادام ءۇيىندى استىندا قالدى
بۇل تۋرالى «قازاقپارات» ح ا ا Reuters اگەنتتىگىنە سىلتەمە جاساپ حابارلايدى.
تابيعي اپاتتاردىڭ سالدارىن جويۋ ۇلتتىق اگەنتتىگىنىڭ رەسمي وكىلى سۋتوپو نۋگروحونىڭ ايتۋىنشا، قايعىلى وقيعا سولتۇستىك سۋلاۆەسي پروۆينتسياسىنىڭ بولاانگ-مونگوندوۋ وكرۋگىندە ورنالاسقان كەنىشتە بولعان. كوشكىن سالدارىنان التىن وندىرەتىن كەنىشتىڭ توبەسىن ۇستاپ تۇراتىن قۇرىلىمدار قيراعان. كەم دەگەندە ءبىر ادام قازا تاپقان. قۇتقارۋشىلار ازىرگە ءۇيىندى استىندا قالعان ادامداردىڭ 13 ءىن شىعاردى.
ەسكە سالا كەتەيىك، 27- قاڭتاردا ورتالىق سۋلاۆەسيدە بولعان سۋ تاسقىنى كەزىندە دە كوشكىن بولىپ ەدى. سول شاقتا 68 ادامنىڭ ءومىرى قيىلىپ، 47 ادام جاراقات العان، تاعى 3 مىڭنان استام جەرگىلىكتى تۇرعىن باسپاناسىنان ايىرىلعان بولاتىن.
ال بىلتىر قىركۇيەكتە بولعان 7,4 بالدىق ءزىلزالا سالدارىنان 2 مىڭنان استام ادام قازا تاۋىپ، زارداپ شەككەندەر سانى 10,6 مىڭنان اسقان ەدى.