+7 (701) 759 90 19 Лента
-17 °С : استانا
-2 °С : الماتى
USD 378.14 EUR 429.42
RUB 5.68 CNY 55.56
جاڭالىقتار

قازاق ادەبيەتىنىڭ انتولوگياسى الەمگە 60 مىڭ دانامەن تارالادى

14 قاڭتار 11:21 299
:ءبولىسۋ
قازاق ادەبيەتىنىڭ انتولوگياسى الەمگە 60 مىڭ دانامەن تارالادى

استانا. قازاقپارات - انتولوگيا ەكى جيناقتان تۇرادى. بىرەۋىندە پروزا بولسا، ەكىنشىسىنە پوەزيا شىعارمالارى توپتاستىرىلادى، دەپ حابارلايدى قازاقپارات ءتىلشىسى.

ۇلتتىق اۋدارما بيۋروسىنىڭ اتقارۋشى ديرەكتورى راۋان كەنجەحان ۇلىنىڭ ايتۋىنشا، الەمنىڭ التى تىلىنە اۋدارىلاتىن ءاربىر جيناقتىڭ تارالىمى 10 مىڭ دانادان بولادى. انتولوگيالار الدىمەن ىرگەلى ۋنيۆەرسيتەتتەردىڭ كىتاپحانالارىنا تەگىن تاراتىلادى.

«بۇگىندە بىرىككەن ۇلتتار ۇيىمىنىڭ التى ءتىلى - اعىلشىن، قىتاي، ورىس، فرانسۋز، يسپان جانە اراب تىلدەرىندە 70 تەن استام ەل سويلەيدى. بارلىعىندا 2,5 ميلليارد حالىق تۇرادى. قازاق ادەبيەتىنىڭ انتولوگياسى ەكى جيناقتان تۇرادى. اربىرەۋىنە 30 اۆتوردىڭ شىعارماسى ەندى. دەمەك، پروزا مەن پوەزيا بويىنشا 60 اۆتور بار. ءاربىر اۆتورعا ءبىر باسپا تاباق بەرىلىپ وتىر. سوندا ءاربىر جيناق 400-500 بەتتىڭ كولەمىندە بولادى. بۇل - وتە ۇلكەن ءارى اۋقىمدى جيناقتار. اۆتورلاردى جازۋشىلار وداعى ىرىكتەپ بەرگەن بولاتىن»، - دەدى ر. كەنجەحان ۇلى بۇگىن استانادا وتكەن جيىندا.

بۇگىنگى شارادا شىعارما اۆتورلارى اۋدارماشىلارمەن كەزدەسىپ، اۋدارمانى بارىنشا جەتىك تىلمەن جەتكىزۋ جايىن تالقىعا سالدى.

«شەتەلدىك ماماندار اۋدارماعا قاتىستى ماسەلەلەردى كەڭىنەن تالقىلاپ قانا قويماي، قازاقستاننىڭ مادەنيەتى، تاريحى مەن قازىرگى تىنىس-تىرشىلىگىمەن جاقىنا تانىسا الادى. سول ارىپتەستەرىمەن العاشقى ماتىندەرىن دايىنداپ، اۆتورلاردىڭ الدىنان ءوتىپ وتىر. اۋدارماشىلار ءاربىر اۆتورلارمەن جەكە-جەكە كەزدەسىپ، ەكى كۇن بويى ءوز جۇمىستارىن تالقىلايدى. نەگىزگى ماقسات - اۋدارمانى مەيلىنشە جەتىك، مەيىلىنشە ساپالى ەتىپ دايىنداۋ. ويتكەنى بۇعان دەيىن ءبىزدىڭ تاريحىمىزدا قازاق ادەبيەتىن بۇنداي كولەمدە، بۇنداي دەڭگەيدە اۋدارۋ مەن تاراتۋ تاجىريبەسى بولعان ەمەس»، - دەپ اتاپ كورسەتتى ر. كەنجەحان ۇلى.

ايتا كەتەيىك، «جاھانداعى زاماناۋي قازاقستاندىق مادەنيەت» جوباسى اياسىندا قازىرگى قازاق ادەبيەتىنىڭ انتولوگيالارىن ب ۇ ۇ- نىڭ 6 تىلىنە اۋدارۋ جۇمىسى قولعا الىنعان بولاتىن. بۇگىندە اعىلشىن، فرانسۋز، ورىس جانە يسپان تىلدەرىندەگى جولما جول اۋدارما جۇمىسى اياقتالىپ، قىتاي جانە اراب تىلدەرىنە اۋدارۋ شارالارى ءجۇرىپ جاتىر.


باستى سوزدەر: مادةنيةت,
:ءبولىسۋ

اأتور:

novasa

ونلاين قىزمەتكەرلەر
مۇراعات