قىتايعا وقۋعا كەتكەن 60 تان استام قازاقستاندىق تالاپكەر الدانىپ قالدى
ناتيجەسىندە، كومپانيا بولاشاق ستۋدەنتتەردىڭ ءبىلىم الۋىنا جانە ولاردى ۋنيۆەرسيتەتتەرگە ورنالاستىرۋ ءۇشىن اقشا اۋدارماعان بولىپ شىقتى. بۇل تۋرالى 31 - ارنا حابارلايدى.
ولاردىڭ وتىرىگى تالاپكەرلەر شەتەلگە كەلگەندە عانا اشكەرەلەندى. قىتايدا ءبىلىم الادى دەپ اقشاسىن بەرىپ قويعان بالالاردىڭ وتباسىن اۋەجايدا ەشكىم كۇتىپ المادى. ديپلوماتتاردىڭ اقپاراتىنا سۇيەنسەك، قازىر قازاقستاندىقتار جاتاقحاناعا ورنالاستىرىلدى. ال قازاقستاننىڭ قىتايداعى ەلشىسى بۇل ماسەلەنىڭ باسىن اشۋ ءۇشىن الگى وقۋ ورتالىعىنىڭ باسشىلىعىنا شىقتى.
«قازاقستاندىقتاردى تاعى دا ءبىلىم بەرۋ كومپانيالارىن تاڭداۋدا قىراعى بولۋعا شاقىرامىز. بالالاردى وقۋعا جىبەرەر كەزدە اتا- انالاردان ءبىلىم بەرۋ مەكەمەلەرىمەن الدىن- الا بايلانىسىپ جانە بالانىڭ ۋنيۆەرسيتەتكە تۇسكەنى تۋرالى اقپاراتتى ناقتىلىپ، انىقتاۋعا شاقىرامىز» ، - دەيدى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ.