11:34, 07 - قازان 2018 | GMT +6
بەنزين تاسىمالداۋشى كولىك ورتەنىپ، 60-قا جۋىق ادام تىرىدەي جانىپ كەتتى
استانا. قازاقپارات - كونگو دەموكراتيالىق رەسپۋبليكاسىنىڭ باتىسىندا اۆتوموبيلمەن سوقتىعىسقان بەنزين تاسىمالداۋشى كولىك وتقا ورانىپ، سالدارىنان 60 ادام قازا تاپقان.
بۇل تۋرالى سەنبى كۇنى Agence France-Presse قايعىلى وقيعانى كوزىمەن كورگەندەرگە سىلتەمە جاساپ حابارلادى.
بۇدان بۇرىن Reuters اگەنتتىگى 50 ادامنىڭ قازا تاپقانىن جانە 100-گە جۋىعىنىڭ زارداپ شەككەنىن ءمالىم ەتكەن بولاتىن.
AFP دەرەكتەرى بويىنشا كەلەڭسىز جاعداي وسى ەلدىڭ استاناسى كينشاسا قالاسىنان باتىسقا قاراي 120 شاقىرىم جەردە ورنالاسقان مبۋبا ەلدى مەكەنىندە بولعان.
«ءبىز سول جەردەن 53 ادامنىڭ جانىپ كەتكەن دەنەسى تابىلعانىن ەستىدىك. تاعى جەتەۋى كورشىلەس كيسانتۋ اۋىلىنىڭ اۋرۋحاناسىندا كۇيىك شالۋ سالدارىنان كوز جۇمدى»، - دەپ قوستى قايعىلى وقيعانى كورگەندەردىڭ ءبىرى.