وتاندىق اۆتوكولىكتەردىڭ وتىمدىلىگى 60 پايىزعا ارتتى

استانا. قازاقپارات - «قازاقستان اۆتو وندىرىس» كاسىپورىندار وداعى 2018-جىلدىڭ 8 ايىنىڭ ىشىندە رەسپۋبليكاداعى اۆتووندىرۋشىلەردىڭ جۇمىس قورىتىندىسىن جاريالادى، دەپ حابارلايدى قازاقپارات ءتىلشىسى.

اتالمىش ارالىقتا قازاقستان اۋماعىندا جالپى قۇنى 117,8 ميلليارد تەڭگە بولاتىن 19465 دانا اۆتوكولىك قۇرالى (جەڭىل، اۋىر كولىكتەر، اۆتوبۋستار، مامانداندىرىلعان كولىكتەر مەن تىركەمەلەر) وندىرىلگەن. بۇل وتكەن جىلدىڭ سايكەس كەزەڭىمەن سالىستىرعاندا 64,5 پايىزعا ارتىق كورسەتكىش بولىپ وتىر.

«قاڭتار-تامىز ايلارىنىڭ قورىتىندىسى بويىنشا اۆتوبۋستاردىڭ شىعارىلىمى (200 دانا) 2,2 ەسەگە ازايىپ كەتتى. سونىمەن قاتار، اۋىر جۇك كولىكتەرىنىڭ (689) ءوندىرىسى 6 پايىزعا، ال مامانداندىرىلعان كولىكتەر 18 پايىزعا (107 دانا) تومەندەدى. ال تىركەمەلەردىڭ شىعارىلىمى 181 دەن 263 كە كوبەيدى»، - دەلىنگەن حابارلامادا.

2018-جىلدىڭ تامىزىنداعى كورسەتكىش نەگىزىندە قازاقستاندىق كاسىپورىنداردىڭ كونۆەيەرىنەن 2219 اۆتوكولىك قۇرالى شىعارىلعان. ول 2017-جىلدىڭ سايكەس كەزەڭىنەن قاراعاندا جوعارى كورسەتكىش (1894 دانا).

«وتاندىق اۆتوزاۋىت اۆتوكولىكتەرىنىڭ وتىمدىلىگى 18001 داناعا دەيىن جەتتى. بۇل وتكەن جىلدىڭ اتالعان ارالىعىمەن سالىستىرعاندا 58,9 پايىزعا كوپ (11330 دانا). «قاز اۆتو وندىرىس» كاسىپورىندارىنىڭ نارىقتىق ۇلەسى 47,5 پايىزعا دەيىن ءوستى. رەسپۋبليكا تۇرعىندارىنىڭ جەرگىلىكتى وندىرىستەگى اۆتوكولىكتەرگە كەتىرگەن شىعىندارى 103,8 ميلليارد تەڭگە (وتكەن جىلدىڭ سايكەس كەزەڭىنەن قاراعاندا 57,8 پايىزعا ارتىق) قۇرادى»، دەلىنگەن حابارلامادا.

وتاندىق وندىرىستەگى اۆتوكولىكتەردىڭ ساتىلىم جاعىنان «ازيا اۆتو» ا ق ءبىرىنشى ورىندا تۇر. اتالمىش كاسىپورىن 8 ايدىڭ ىشىندە 10228 دانا اۆتوكولىك ساتقان. «سارىارقا اۆتوپروم» ج ش س وسى ارالىقتا 6914 اۆتوكولىك ساۋدالاعان. رەيتينگتىڭ ۇشتىگىن «سەماز» ج ش س تۇيىندەيدى. اتالعان كاسىپورىن 8 ايدا 342 تەحنيكا وتكىزسە، ودان كەيىنگى ورىنداردا «كاماز- ينجينيرينگ» ا ق (274 دانا)، «Hyundai Trans Auto» ج ش س (176 دانا) مەن «Daewoo Bus Kazakhstan»  ج ش س (67 دانا) ورنالاسقان.