الماتى زووباعىنداعى كارى قۇزعىننىڭ جاسى 60 قا تايادى
ەڭ ۇزاق جاساۋشى قۇزعىن حايۋاناتتار باعىنا 1960 -جىلى ماسكەۋ زووباعىنان اكەلىنگەن. ونىڭ جاسى 60-تىڭ شاماسىندا.
زووباق ماماندارىنىڭ ايتۋىنشا، ونىڭ قانشا جاسقا كەلگەنىن ەشكىم ايتا المايدى.
«تابيعاتتا ادەتتە قۇستار 38 جىلعا دەيىن ءومىر سۇرەدى. ال ونىڭ مۇندا تۇرىپ جاتقانىنا 58 جىلدان استى. دەگەنمەن، ناقتى جاسىن ەشكىم بىلمەيدى. ءوزىن ناعىز تاجىريبەلى ارداگەر سەكىلدى ۇستايدى. اقىلدى، بايسالدى. ءبىر قىزىعى، وسى كۇنگە دەيىن ونىڭ ەسىمى قويىلماعان. ەشقانداي لاقاپ اتقا نازار اۋدارمايدى. قايتكەن كۇندە دە ۇزاق جاساۋشىلارعا كورسەتىلەتىن سىي - قامقورلىق، ياعني كۇتىم مەن تاماقتاندىرۋ»، - دەيدى زووباق ديرەكتورىنىڭ ورىنباسارى دانا شۇلەمبايەۆا.
مامانداردىڭ ايتۋىنشا، جانۋارلار جابايى تابيعاتقا قاراعاندا زووباقتا ۇزاق ءومىر سۇرەدى ەكەن. سەبەبى مۇندا ولار ءۇشىن ءتيىستى قاۋىپسىزدىك شارالارى جاسالعان. ولار تولىققاندى تاماقتانادى ءارى ۆەتەرينار كومەگىمەن قامتاماسىز ەتىلگەن.
ءار زووباقتا ەجەلدەن ءومىر ءسۇرىپ كەلە جاتقان كارى اڭدار بار. الماتىلىق زووباقتا بۇرىننان كەلە جاتقان جانۋارلار سانى 30-دان اسادى. ونىڭ ىشىندە قۇستار، اق ايۋ الكور، ەمۋ تۇيەقۇسى، ءمۇيىزدى قۇزعىن، گيمالاي ايۋى، ءتىپتى جىلدان ۇزاق جاساعان قوڭىزدار دا بار. ولاردىڭ سانى 10 عا جەتەدى.