ورال قالاسىندا اۆتوكولىكتەن 600 دەن استام كيىك ءمۇيىزى تابىلدى
«وحوتزووپروم» ءو ب» ر م ق ك باتىس قازاقستان وڭىرلىك فيليالىنان ءمالىم ەتكەندەي، وقيعا زاچاگان كەنتىنىڭ بىرلىك كوشەسىندەگى №17 ءۇيدىڭ الدىندا بولعان.
ق ر ۇ ق ك ب ق و بويىنشا دەپارتامەنتىنىڭ قىزمەتكەرلەرى مەن «وحوتزووپروم» ءو ب» ر م ق ك ينسپەكتورلارى بىرلەسىپ جۇرگىزگەن جەدەل ءىس- شارالار كەزىندە ءبىر تۇرعىننىڭ باسقا ادامداردىڭ كومەكتەسۋىمەن كيىك مۇيىزدەرىن وتكىزبەكىشى ەكەندىگى جونىندە مالىمەت الىندى.
«دەپارتامەنت قىزمەتكەرلەرى مەن «وحوتزووپروم» ينسپەكتورلارى اتالعان ءۇيدىڭ الدىندا Chevrolet Captiva اۆتوكولىگىن ءتىنتىپ، تەرگەۋ امالدارىن جۇرگىزدى. ءتىنتۋ بارىسىندا اۆتوكولىك سالونىنىڭ ارتقى جاعى مەن جۇك سالعىشىنان 5 قاپقا سالىنعان 642 دانا كيىك ءمۇيىزىن تاۋىپ، تاركىلەدى. ساراپتاما تاعايىندالىپ، ق ر ق ك 339-بابىنا سايكەس تەرگەۋ امالدارى جۇرگىزىلىپ جاتىر»، - دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن باتىس قازاقستاندا 100 دەن استام كيىكتىڭ سۋدان شىعارىلعانىن جازعان بولاتىنبىز.