س ق و پوليتسەيلەرى 600-دەن استام ماس جۇرگىزۋشىنى ۇستادى
قىزىلجار اۋدانى ولشانكا اۋىلىنىڭ ماڭىندا ۆاز 2174 اۆتوكولىگى توقتاتىلدى. رولدە 33 جاستاعى پەتروپاۆلدىق بولعان، ودان سپيرتتىك ىشىمدىكتىڭ ءيىسى بىلىنگەن. مەديتسينالىق كۋالاندىرۋ ونىڭ الكوگولدىك ماساڭ كۇيدە بولعانىن كورسەتتى.
پوليتسەيلەر اكىمشىلىك قۇقىق بۇزۋشىلىق تۋرالى كودەكستىڭ 608-بابى (جۇرگىزۋشىنىڭ كولىك قۇرالىن الكوگولدىك ماساڭ كۇيدە باسقارۋى) بويىنشا ماتەريال جيناستىردى. باپتىڭ سانكتسياسىمەن 15 تاۋلىككە دەيىن اكىمشىلىك قاماۋعا الۋ تۇرىندەگى جازا كوزدەلگەن. ءدال سول كۇنى ماساڭ كۇيدە كولىك باسقارۋ فاكتىسى وبلىس ورتالىعىنىڭ ماڭىنان انىقتالدى. ۆاز-2112 اۆتوكولىگىن 23 جاستاعى قالا تۇرعىنى باسقارعان. ول جەزقازعان - پەتروپاۆل اۆتوجولىندا شامامەن تاڭعى ساعات 04.00-دە ۇستالدى. تەكسەرىس بارىسىندا وندا كولىك قۇرالىن باسقارۋ قۇقىعىنىڭ جوقتىعى انىقتالدى. ەر ادام 20 تاۋلىككە قاماۋعا الىنۋى مۇمكىن.
«تاعى ءبىر ۇقساس جاعداي كەلەسى كۇنى اققايىڭ اۋدانىندا انىقتالدى. پاترۋلدىك پوليتسەيلەر م ت ز-80 تراكتورىن باسقارىپ كەلە جاتقان، 35 جاستاعى ماس اۋىل تۇرعىنىن توقتاتقان، وندا كولىك قۇرالىن باسقارۋ قۇقىعى بولماعان. ماساڭ كۇيدە كولىك قۇرالىن باسقارۋ بارلىق جول قوزعالىسىنا قاتىسۋشىلارعا قاۋىپ توندىرەدى. ماس جۇرگىزۋشى - قىلمىسكەرگە اينالۋى مۇمكىن. وسىعان ۇقساس فاكتىلەردى انىقتاۋ - پاترۋلدىك پوليتسيا جۇمىسىنداعى ەرەكشە باعىت. جىل باسىنان بەرى سقو- دا اۆتوكولىكتى ماساڭ كۇيدە باسقارۋدىڭ 655 فاكتىسى انىقتالدى»، - دەيدى س ق و پ د جەرگىلىكتى پوليتسيا قىزمەتى باسقارماسى باستىعىنىڭ مىندەتىن اتقارۋشى الەكساندر روزباح.