بەس جىلدا قارجى پيراميدالارىنىڭ ۇستىنەن 600 دەن استام قىلمىستىق ءىس قوزعالعان

None
None
نۇر-سۇلتان. قازاقپارات - ق ر باس پروكۋرورى عيزات نۇرداۋلەتوۆتىڭ ايتۋىنشا، كەيىنگى 5 جىلدا قارجى پيراميدالارىنىڭ ۇستىنەن 600 دەن استام قىلمىستىق ءىس قوزعالعان، دەپ حابارلايدى قازاقپارات ءتىلشىسى.

«قۇقىق قورعاۋ ورگاندارى قارجى الاياقتىعىنا قاتىسى بار فاكتىلەردى انىقتاۋ جانە جولىن كەسۋ بويىنشا تۇراقتى جۇمىس جۇرگىزىپ وتىر. سوڭعى 5 جىلدا قىلمىستىق كودەكستىڭ 217-بابى (قارجى پيراميداسىن قۇرۋ جانە وعان باسشىلىق ەتۋ) بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىندە 618 ماتەريال تىركەلگەن. 2019-جىلمەن سالىستىرعاندا بىلتىر وسى سانات بويىنشا تىركەلگەن قىلمىستار سانى 7 ەسە ءوستى. بۇل قارجى پيراميدالارىنىڭ قىزمەتىن توقتاتۋ بويىنشا جۇمىستاردىڭ جاندانعانىن كورسەتەدى»، - دەپ جازدى عيزات نۇرداۋلەتوۆ ءماجىلىس وكىلدەرىنىڭ دەپۋتاتتىق ساۋالىنا بەرگەن جاۋابىندا.

ونىڭ مالىمەتى بويىنشا، بيىلعى 9 ايدا قىلمىستىق قۋدالاۋ ورگاندارىنىڭ وندىرىسىندە قارجى پيراميدالارى بويىنشا 380 قىلمىستىق ءىس قارالعان. ونىڭ ىشىندە 212 ءىس سوتقا جولدانسا، 2 ءىس نەگىزدەمەنىڭ جوقتىعىنان قىسقارتىلعان.

سوڭعى جاڭالىقتار