قازاقستاننان تۇركياعا 600 كونتەينەر جاسىمىق ەكسپورتتالادى
اقمولا وبلىسىنداعى ازات ستانتسياسىنان جونەلتىلەتىن جاسىمىق تۇركيانىڭ مەرسين ستانتسياسىنا جەتكىزىلەدى.
اۋىل شارۋاشىلىعى داقىلىن دىتتەگەن جەرىنە جەتكىزۋدى «قازاقستان تەمىرجولى» ۇلتتىق كومپانياسىنىڭ «KTZ Express» اكسيونەرلىك قوعامى جۇزەگە اسىرۋدى قولعا الىپ وتىر.
وسى ماقساتتا «KTZ Express» اكسيونەرلىك قوعامى مەن تۇركيانىڭ «Teryak group» كومپانياسىمەن 15 مىڭ توننا ءونىمدى جونەلتۋ تۋرالى كەلىسىمشارت جاسالعان.
«بۇگىنگى تاڭدا «قازاقستان تەمىرجولى» ۇلتتىق كومپانياسىنىڭ «KTZ Express» اكسيونەرلىك قوعامى الەمىنىڭ كوپتەگەن ەلدەرىنە جۇك تاسىمالداۋمەن اينالىسادى. ونىڭ ىشىندە وتاندىق اۋىل شارۋاشىلىعى ونىمدەرىن ەكسپورتتاۋ دۇرىس جولعا قويىلعان.
وسى رەتتە، «KTZ Express» اكسيونەرلىك قوعامى جۇكتەردىڭ دىتتەگەن جەرىنە كەدەرگىسىز جەتكىزىلۋىن قامتاماسىز ەتەدى.
وسى ماقساتتا «KTZ Express» اكسيونەرلىك قوعامى تۇركيانىڭ «Teryak group» حولدينگىمەن 15 مىڭ توننا جاسىمىقتى جونەلتۋ تۋرالى كەلىسىمشارت جاساستى. ياعني، 600 كونتەينەردى تاسىمالداۋعا كەپىلدىك بەرەدى»، - دەدى «KTZ Express» ا ق باس ديرەكتورى نۇرلان يگەمبايەۆ.
قازىرگى كەزدە جاسىمىقتىڭ العاشقى پارتياسى ازات ستانسياسىندا ارنايى كونتەينەرلەرگە تيەلۋدە.
«ازات» ج ش س باسشىلىعىنىڭ ايتۋىنشا، جۇك ايتىلعان مەرزىمىندە تيەلىپ، ياعني الداعى دۇيسەنبى كۇنىنە دەيىن تيەلىپ، جونەلتىلەتىن بولادى.
«ءبىزدىڭ كاسىپورىندا العاش رەت بيىلعى جىلدىڭ جاسىمىعىن ەكسپورتتاۋ قولعا الىنىپ وتىر. ۆاگونمەن ەمەس، ارنايى كونتەينەرلەر ارقىلى. بۇل بىزگە ءونىمدى توكپەي شاشپاي جەتكىزۋگە مۇمكىندىك بەرەدى. قازىر كەزدە 2 مىڭ توننا جاسىمىقتى ۆاگوندارعا تيەپ، جەدەل جونەلتۋ بويىنشا تۇراقتى باقىلاۋ شارالارى جۇرگىزىلۋدە. جۇمىس كەستەگە ساي جۇرىزىلۋدە»، - دەدى كاسىپورىن باسشىسى قانات تولەبايەۆ.
ايتا كەتەيىك، «KTZ Express» اكسيونەرلىك قوعامى كەلىسىم شارت بويىنشا جىل سوڭىنا دەيىن 10 مىڭ توننا جاسىمىقتى ەكسپورتقا تاسىمالداۋدى جوسپارلاپ وتىر.