قوس ازاماتتىعى بار تۇركيالىققا 600 مىڭ تەڭگە ايىپپۇل سالىندى
جەدەل- الدىن الۋ ءىس- شاراسىن وتكىزۋ بارىسىندا الماتى قالاسىنىڭ اۋەجايىنداعى جەلىلىك پوليتسيا ءبولىمىنىڭ قىزمەتكەرلەرى قازاقستان رەسپۋبليكاسىنىڭ ازاماتتىق تۋرالى زاڭناماسىن بۇزعان تۇركيا ازاماتشاسىن انىقتاپ، ۇستادى. تەكسەرۋ بارىسىندا كولىك پوليتسەيلەرى «ستامبۋل- الماتى» باعىتىنداعى اۋە رەيسىمەن ۇشىپ كەلگەن قازاقستان مەن تۇركيانىڭ ازاماتتىعى بار 32 جاستاعى ايەلدى اكىمشىلىك جاۋاپقا تارتتى. وعان قاتىستى ق ر ا ق ب ت ك-نىڭ 496-بابىنىڭ 2-بولىگىمەن، ياعني قازاقستان رەسپۋبليكاسىنىڭ زاڭناماسىندا بەلگىلەنگەن مەرزىمدە شەتەل ازاماتتىعىن الۋ فاكتىسىن حابارلاماۋ بويىنشا اكىمشىلىك حاتتاما تولتىرىلدى. «الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن تۇركيا ازاماتىنا 200 ا ە ك مولشەرىندە (583400 تەڭگە) ايىپپۇل تۇرىندەگى اكىمشىلىك جازا تاعايىندالدى»، - دەلىنگەن حابارلامادا.
ەسكە سالا كەتەيىك، بيىلعى جىلدىڭ باسىنان بەرى كولىكتەگى پوليتسيا دەپارتامەنتىنىڭ قىزمەت كورسەتۋ اۋماعىندا ق ر حالىقتىڭ كوشى- قونى سالاسىنداعى زاڭناماسىن بۇزعان 124 ازامات اكىمشىلىك جاۋاپقا تارتىلدى، ونىڭ ىشىندە 6 ازامات قوس ازاماتتىعى بار تۇلعالار (رەسەي-3، تۇركيا-2، ا ق ش-1). سونداي-اق، سوت قاۋلىلارىمەن 26 شەتەلدىك ازامات ەلدەن تىسقارى شىعارىلىپ، ولاردىڭ بارلىعىنا 5 جىلعا دەيىن ەلگە كىرۋگە تىيىم سالىندى.