+7 (701) 759 90 19
-4 °С : نۇر-سۇلتان
-2 °С : الماتى
USD 432.23 EUR 506.79
RUB 5.45 CNY 64.44
جاڭالىقتار

نۇر-سۇلتاندا بەس جىلدان بەرى ءۇيسىز جۇرگەن 600 ۇلەسكەر بيىل باسپانالى بولادى

18 قازان 11:05
:ءبولىسۋ
نۇر-سۇلتاندا بەس جىلدان بەرى ءۇيسىز جۇرگەن 600 ۇلەسكەر بيىل باسپانالى بولادى

نۇر-سۇلتان. قازاقپارات - نۇر-سۇلتاندا بەس جىلدان بەرى باسپاناسىن كۇتىپ جۇرگەن 600 گە جۋىق ۇلەسكەر بيىل جاڭا پاتەرگە قونىستانادى، دەپ حابارلايدى قازاقپارات.

بۇل جايىندا قالا اكىمى التاي كولگىنوۆ Instagram پاراقشاسىندا ءمالىم ەتتى. «باسپانا كوكتال» كوپپاتەرلى تۇرعىن ءۇي كەشەنى بىرنەشە جەر ۋچاسكەسىندە ورنالاسقان. ول 13 ۇيدەن تۇرادى. ونىڭ بىرەۋى عانا اياقتالدى. بەس جىل بۇرىن قالعان 12 ءۇي قۇرىلىسى ۇزاققا سوزىلعان نىسان رەتىندە تانىلدى. ولاردىڭ ءارقايسىندا شەشىلمەگەن، پروبلەمالىق ماسەلەلەر بولدى: شاتىردان سۋ كەتۋ، قاسبەتتىڭ، تەرەزەلەردىڭ، ەسىكتەردىڭ، ليفت شاحتالارىنىڭ بولماۋى. جارىق، جىلۋ، سۋ مەن كارىز جۇيەلەرى دە ينجەنەرلىك جەلىلەرگە قوسىلمادى. ۇلەسكەرلەرمەن بىرنەشە رەت كەزدەسىپ، جوسپارلى قۇرىلىس كەستەسىن قۇردىق» دەپ جازدى شاھار باسشىسى.


ونىڭ سوزىنە سەنسەك، بۇل ۇيدە 600 گە جۋىق وتباسى پاتەرىن كۇتىپ ءجۇر. بۇرىنعى قۇرىلىسشى بىرنەشە قاباتتى زاڭسىز سالىپ، ليفتى قاراستىرماعان. قۇرىلىس سالاسىنداعى قولدانىستاعى نورمالارعا سايكەس عيمارات 6 قاباتتان اسسا، مىندەتتى تۇردە ليفتىمەن قامتاماسىز ەتىلۋى ءتيىس. سونداي-اق، ورتكە قارسى ەۆاكۋاتسيالىق باسپالداقتار دا بولماعان.

«وسىعان بايلانىستى ءليفتى مەن ەۆاكۋاتسيالىق باسپالداق ورناتۋ ءۇشىن بولىمدەردى بولشەكتەۋ قاجەت بولدى. بارلىق اتالعان قۇرىلىس جۇمىستارى جۇرگىزىلىپ جاتىر. تۇرعىن ءۇي كەشەنىن «ەلوردا قۇرىلىس كومپانياسىنىڭ» قاتىسۋىمەن «نۇرلى جەر» باعدارلاماسى اياسىندا سالىپ جاتىرمىز. قۇرىلىس قارقىنىن كۇشەيتىپ، ۇيلەردى جىل سوڭىنا دەيىن اياقتاۋدى تاپسىردىم. اۋماقتى اباتتاندىرۋ كوكتەمگە جوسپارلانعان» دەيدى التاي كولگىنوۆ.

ەسكە سالا كەتەيىك، بۇعان دەيىن نۇر-سۇلتاندا قۇرىلىسى ۇزاققا سوزىلعان «التىن شار» تۇرعىن ءۇي كەشەنىندەگى جۇمىستار اياقتالىپ، 200 وتباسى پاتەر كىلتىن العانىن جازعان بولاتىنبىز.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات