جاستار جىلى اياسىندا ەلوردادا 600 دەن استام شارا ءوتتى
«قالالىق اكىمدىك «جاستار جىلى» اياسىندا جاستاردىڭ باستامالارىن قولداۋعا، شىعارماشىلىعىن شىڭداۋعا ارنالعان باعىتتاعى كوپتەگەن جۇمىستاردى اتقاردى. جاستار جىلى اياسىندا قالالىق اكىمدىك ارنايى جول كارتاسىن بەكىتتى. ول ءوز كەزەگىندە 11 باعىت پەن 136 جوبادان تۇرادى. سول جوبالاردىڭ اياسىندا ەلوردادا 600 دەن استام ءىس-شارا وتكىزىلدى. ول شارالار بويىنشا بىرەر مىسال كەلتىرەر بولساق، بيىل 1050 استانالىق جاسقا ساتىپ الۋ قۇقىعىنسىز جالداپ تۇرۋعا پاتەر بەرىلەدى. ودان بولەك، ەلوردالىق جاس كاسىپكەرلەردى قولداۋ ماقساتىندا اكىمدىكتەن 75 ميلليون تەڭگەنىڭ مەملەكەتتىك گرانتى بەرىلدى»، - دەدى قالالىق اكىمدىكتىڭ جاستارمەن جۇمىس ءبولىمىنىڭ باسشىسى باقىتجان جۇنىسبەكوۆ.
ونىڭ ايتۋىنشا، بيىل 220 دان استام جاس ءوز كاسىبىن دوڭگەلەتۋگە مۇمكىندىك الدى.
«جاستاردى مازالايتىن سۇراقتاردىڭ ءبىرى — جۇمىسقا ورنالاسۋ. نۇر-سۇلتان قالاسىندا جۇمىسسىزدىق دەڭگەيى 4-5 پايىز. ۇستىمىزدەگى ەلورداداعى جوعارعى جانە ارناۋلى ورتا ءبىلىم بەرۋ وشاقتارىن بىتىرگەن 5,5 مىڭ جاس مامان جۇمىسقا ورنالاستىرىلدى. ءوز كەزەگىندە ەلوردا اكىمدىگى ەل يگىلىگى مەن قوعامنىڭ دامۋىنا ءوز ۇلەسىن قوسۋعا دايىن جاستاردى ءارقاشان قولداۋ كورسەتۋگە دايىن»، - دەدى ول.
اكىمدىكتىڭ دەرەگىنە سۇيەنسەك، باس قالاداعى جاستاردىڭ سانى 245 مىڭنان اسادى.