ديماش قۇدايبەرگەننىڭ ساحنالىق كوستيۋمى اۋكسيوندا 600 مىڭ تەڭگەگە ساتىلدى
جىل سايىن وتەتىن «Burabike Fest-2019» سپورتتى- مۋزىكالىق فەستيۆالى ەكى بولىمنەن تۇرادى. العاشقى بولىمىندە كاسىبي جانە اۋەسقوي ۆەلوشاباندوزدار ءوزارا جارىسسا، ەكىنشى كەزەڭدە قايىرىمدىلىق اۋكتسيونى ۇيىمداستىرىلادى.
بيىلعى اۋكتسيوندا جاس ءانشى ديماش قۇدايبەرگەننىڭ 17 جاسىندا ۇلكەن ساحناعا كيىپ شىققان كوستيۋمى ساتىلىمعا قويىلدى. كوستيۋمنىڭ العاشقى باعاسى 200 مىڭ تەڭگەدەن باستالىپ، ناتيجەسىندە 600 مىڭ تەڭگەگە ساتىلدى.
سونداي- اق، اۋكسيوندا قازاقستاندىق كاسىبي بوكسشى گەننادي گولوۆكيننىڭ قولتاڭباسى قويىلعان بوكس قولعابى 1 ميلليون 200 مىڭ تەڭگەگە، تاعى ءبىر بوكسشىمىز قانات يسلامنىڭ قولتاڭباسى قويىلعان بىلعارى قولعابى 50 مىڭ تەڭگەگە جانە وليمپيادا چەمپيونى باحتيار ارتايەۆتىڭ قولتاڭباسى قويىلعان قولعابى 60 مىڭ تەڭگەگە ساتىلدى. ودان بولەك، سۋدا ءجۇزۋشى دميتري ءبالانديننىڭ ءجۇزۋ تەلپەگى 40 مىڭ تەڭگەگە ساتىلدى.
بۇعان دەيىن حابارلاعانىمىزداي بۋرابايدا «Burabike Fest-2019» سپورتتى- مۋزىكالىق فەستيۆالى ءوتىپ جاتىر.
اتالعان شارانىڭ باستى ەرەكشەلىگى سول ودان تۇسكەن بارلىق قاراجات قايىرىمدىلىققا جۇمسالادى.