+7 (701) 759 90 19 Лента
4 °С : استانا
15 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

ياساۋي كەسەنەسىنە 600 جىلدان اسسا دا قالپىن ساقتاعان - ەلشى

15 مامىر 18:48 211
:ءبولىسۋ
ياساۋي كەسەنەسىنە 600  جىلدان اسسا دا قالپىن ساقتاعان - ەلشى

 نۇر-سۇلتان - قازاقپارات - ق ر مادەنيەت جانە سپورت مينيسترلىگىنە قاراستى «ازىرەت سۇلتان» مەملەكەتتىك تاريحي- مادەني قورىق- مۋزەيىنە قازاقستانداعى ۇلى بريتانيا ەلشىسى مايكل دجون گيففورد كەلدى.

ول قوجا احمەت ياساۋي كەسەنەسىن ارالاپ، قورىق- مۋزەيدەگى قۇندى جادىگەرلەرمەن تانىسىپ، تاريحي مۇرالاردىڭ ماڭىزى زور ەكەنىن جەتكىزدى.

ايتا كەتەيىك، مايكل مىرزا ساپار بارىسىندا تۇركىستان وبلىسىنىڭ اكىمى ءومىرزاق ەستاي ۇلى شوكەيەۆتىڭ ارنايى قابىلداۋىندا بولىپ، تۋريستىك بايلانىستى نىعايتۋ بويىنشا پىكىر ءبىلدىردى.

«وزبەكستانداعى تاريحي نىساندارعا قاراعاندا ق. ياساۋي كەسەنەسىنە 600 جىلدان اسسا دا نەگىزگى قالپىن ساقتاعان. سىزدەر جوندەۋ جۇمىستارىن جۇرگىزۋ كەزىندە بارىنشا ابايلاڭىزدار. قازىر تۋريستەر ءۇشىن كونە زاماننان بەرى سول قالپىندا ساقتالعان جادىگەرلەر قۇندى. الداعى ۋاقىتتا ءبىزدىڭ تۋريستىك كومپانيالار ارىپتەستىك تانىتۋعا دايىن. سونداي- اق، ءوڭىردىڭ اۋىل شارۋاشىلىعى سالاسىندا بريتاندىق جاڭا تەحنولوگيالاردى ەنگىزۋ بويىنشا كەلىسىم ورنايدى» ، - دەدى مايكل گيففورد.

نەگىزى اعىلشىندار ورتا ازيادا سامارقاند پەن تاشكەنتكە ءجيى ساپارلايدى ەكەن. ال قازاقستاندا نۇر- سۇلتان مەن اتىراۋعا عانا ايالدايدى. تۇركىستانعا العاش رەت كەلگەن ۇلى بريتانيانىڭ قازاقستانداعى تۇراقتى ەلشىسى مايكل گيففورد الداعى ۋاقىتتا تۇركى الەمىنىڭ قاسيەتتى قالاسىنا ساپارلاۋدى وتانداستارىنا ۇسىناتىن بولدى.

اعىلشىندىق قوناق كەلەسى جولى جاڭا تۇركىستاننىڭ كەلبەتىن كورۋگە قىزىعۋشىلىقپەن كەلەتىنىن ايتىپ اتتاندى.


باستى سوزدەر: ايماق,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات