ماڭعىستاۋدا 600 ازامات اسكەرگە بارماي، قاشىپ ءجۇر
اسكەرگە شاقىرۋ العانىمەن، ولار جەرگىلىكتى اسكەري باسقارۋ ورگاندارىنا مۇلدەم كەلمەگەن. ىزدەۋ جاريالانعان ازاماتتاردى تابۋ ءۇشىن وبلىستىق قورعانىس دەپارتامەنتى وكىلدەرى مەن مەن پوليتسيا بىرلەسكەن شارا وتكىزۋدە. رەيد بارىسىندا ولاردىڭ تۇرعىلىقتى مەكەنجايى مەن جۇمىس ورىندارى تەكسەرىلىپ جاتىر.
جالپى، قازىر ەلىمىزدە كۇزگى اسكەرگە شاقىرۋ ناۋقانى ءجۇرىپ جاتىر. قىركۇيەكتەن بەرى ماڭعىستاۋ وبلىسىنان اسكەرگە 700 بوزبالا شاقىرىلسا، سونىڭ 400- ءى ەلىمىزدىڭ قارۋلى كۇشتەرى قاتارىنا جونەلتىلگەن. اتا زاڭىمىزعا سايكەس، اسكەرگە شاقىرتىلعان 18 بەن 27 جاس ارالىعىنداعى كەز كەلگەن ازامات وتان الدىنداعى بورىشىن وتەۋگە مىندەتتى. «زاڭدى ورىنداماعان جاعدايدا الدىمەن اكىمشىلىك، ودان كەيىن قىلمىستىق جازاعا تارتىلادى»، - دەيدى سالا ماماندارى.
«قازىرگى تاڭدا مەكەنجايى بويىنشا شاقىرۋ قاعازدارىن اپارامىز. كوبى ەسىكتەرىن اشپايدى. اكە- شەشەلەرى بىزگە بالاسى جونىندە ناقتى اقپارات بەرمەيدى. ءبىر- ەكى رەت ەسكەرتەمىز. زاڭ بويىنشا ازاماتتاردىڭ ءتىزىمىن ىشكى ىستەر بولىمىنە بەرەمىز»، - دەيدى وبلىستىق قورعانىس ىستەرى جونىندەگى دەپارتامەنتى باسشىسىنىڭ ورىنباسارى شىنبولات اقمۇراتوۆ.