رومان سكليار: جىل سايىن 6000 كوپ بالالى انا باسپانالى بولادى

None
None
نۇر- سۇلتان. قازاقپارات - ەل الدىندا سەلەكتورلىق رەجىمدە ەسەپ بەرىپ جاتقان ق ر يندۋستريا جانە ينفراقۇرىلىمدىق دامۋ ءمينيسترى رومان سكليار كوپ بالالاردى انالاردى باسپانامەن قامتۋ جوسپارىمەن ءبولىستى، دەپ حابارلايدى قازاقپارات ءتىلشىسى.

ونىڭ ايتۋىنشا، قازىرگى تاڭدا قازاقستان اۋماعىندا 31 مىڭ كوپ بالالى جانە تۇرمىسى تومەن وتباسى باسپانا كەزەگىندە تۇر.

 «ەلباسىنىڭ بۇل باعىتتا بەرگەن ناقتى تاپسىرماسى بار. سول تاپسىرماعا سايكەس 7 جىلدا  42000 ارەندالىق پاتەر سالىنباق. بيىلدان باستاپ جىل سايىن 6 مىڭ پاتەر بەرىلىپ وتىرادى. ءساۋىر ايىندا زاڭناماعا وزگەرىس ەنگىزدىك. بۇل باعىتتاعى جۇمىستار جالعاسادى. بۇدان بولەك «تۇرعىن ءۇي قۇرىلىس جيناق بانكى» ا ق ارقىلى جەڭىلدەتىلگەن نەسيەمەن يپوتەكا بەرۋ كوزدەلگەن. بيۋدجەتتەن بۇل ماقساتقا دا جىل سايىن قارجى بولىنەدى. جەرگىلىكتى اكىمدىك ءتىزىمى بويىنشا 10 پايىز العاشقى جارنامەن 20 جىلعا 2 پايىزدىق يپوتەكا بەرىلەدى. وسىلايشا، ارى كەتسە 6 جىلدىڭ ىشىندە بارلىق كوپبالالى جانە تۇرمىسى تومەن وتباسىلاردى تۇگەلدەي باسپانامەن قامتىپ بىتىرەمىز»، - دەدى رومان سكليار.

 ءمينيستردىڭ ايتۋىنشا، اتالمىش ساناتتاعى جانۇيالار مەملەكەت ۇسىنعان ەكى جولدىڭ قايسىسىن تاڭدايتىنىن وزدەرى شەشپەك.

«كوپبالالى وتباسىلاردىڭ تابىسى كوبەيىپ كەتسە، پاتەردى مەملەكەت قايتارىپ الا ما» دەگەن سياقتى ساۋالدار كوپ قويىلادى. بۇل ارەندالىق باسپانادا قالاعاندارىڭىزشا تۇرۋعا بولادى. تەك باسقا پاتەر ساتىپ العان جاعدايدا عانا مەملەكەتكە قايتارۋعا مىندەتتى بولاسىزدار»، - دەدى رومان سكليار.

اۆتور: ەسىمجان ناقتىباي

سوڭعى جاڭالىقتار