الماتىدا 600-دەن استام جاس ۇستاز 50 مىڭ تەڭگەدەن ۇستەمەاقى الدى

الماتى. قازاقپارات - الماتى قالاسىنىڭ اكىمى باقىتجان ساعىنتايەۆ پەداگوگتاردى ۇستازدار كۇنىمەن قۇتتىقتادى، دەپ حابارلايدى قازاقپارات ءتىلشىسى.

اكىمنىڭ ايتۋىنشا، بيىلعى وقۋ جىلىندا الماتى مەكتەپتەرىندە جۇمىس ىستەيتىن بارلىق جاس ۇستازعا قارجىلاي كومەك كورسەتىلگەن. كومەكتىڭ جالپى كولەمى - 23 ميلليون تەڭگە.

«634 جاس وقىتۋشىنىڭ اربىرىنە 50,5 مىڭ تەڭگەدەن قارجىلاي كومەك بەرىلدى. جالپى سوماسى - 32 ميلليون تەڭگە بولدى. قالامىزدىڭ پەداگوگتار ۇجىمى جاس، قايراتتى پەداگوگتارمەن تولىققانى قۋانتادى»، - دەدى باقىتجان ساعىنتايەۆ.

بۇدان بولەك، 2020 -جىلدان باستاپ الماتىدا ارنايى گرانتتار ەنگىزىلەدى.

«مەنىڭ تاپسىرماممەن 2020 -جىلدان باستاپ قالانىڭ ۇزدىك وقىتۋشىلارىنا بەرىلەتىن الماتى قالاسى اكىمىنىڭ گرانتى ەنگىزىلەدى ءارى «جىل وقىتۋشىسى» قالالىق بايقاۋى وتكىزىلەدى»، - دەدى اكىم.

بۇدان تىس، 1100-گە جۋىق پەداگوگقا «ۇزدىك پەداگوگتار ۇجىمى» بايقاۋىنىڭ قورىتىندىسى بويىنشا اقشالاي سىيلىق بەرىلەدى.

«ءۇش جىل بويى 2,5 مىڭ وقىتۋشى «ۇزدىك پەداگوگتار ۇجىمى» بايقاۋى بويىنشا اقشالاي سىيلىق الىپ كەلدى. بۇگىن، جەڭىمپاز اتانعان 10 مەكتەپتە جۇمىس ىستەيتىن 1099 وقىتۋشىعا بەرىلەدى»، - دەپ ءتۇيدى قالا باسشىسى.

اۆتورى: دانيار داۋىتاليەۆ