+7 (701) 759 90 19
15 °С : نۇر-سۇلتان
22 °С : الماتى
USD 397.56 EUR 445.94
RUB 5.82 CNY 55.96
جاڭالىقتار

ەلوردادا كوروناۆيرۋس جۇقتىرۋدىڭ ءبىر كۇندىك دەڭگەيى 60 تان 15كە دەيىن تومەندەگەن

4 ءساۋىر 15:03
:ءبولىسۋ
ەلوردادا كوروناۆيرۋس جۇقتىرۋدىڭ ءبىر كۇندىك دەڭگەيى 60 تان 15كە دەيىن تومەندەگەن

نۇر- سۇلتان. قازاقپارات - قاتاڭداتىلعان كارانتيندىك شارالاردىڭ ناتيجەسىندە نۇر- سۇلتان قالاسىندا ءبىر كۇندەگى كوروناۆيرۋس جۇقتىرۋ جاعدايى 60-تان 15 ادامعا، ال الماتىدا 8 ادامنان 2 ادامعا تومەندەگەن.

بۇل تۋرالى ق ر دەنساۋلىق ساقتاۋ ءمينيسترى ەلجان ءبىرتانوۆ و ك ق بريفينگىندە ايتتى.

«سوڭعى كۇندەردە ەنگىزىلگەن كارانتيندىك شارالار وتە جاقسى اسەر ەتىپ جاتىر. ەلىمىز بويىنشا نۇر- سۇلتان مەن الماتىداعى ينفەكسيانىڭ كۇندەلىكتى ءوسىمى تومەندەپ كەلەدى. ارى قاراي دا قاجەتتى كارانتيندىك شارالار وسى ەكى قالادا كۇشەيتىلىپ، ەنگىزىلەدى. باسقا وڭىرلەردە كورىپ وتىرعانىمىزداي ءوسىم بار. ءبىراق كارانتيندىك شارالاردىڭ نەگىزىندە كۇن سايىنعى ءوسىم ءبىر دەڭگەيدە تۇر»، - دەدى مينيستر.

ق ر دەنساۋلىق ساقتاۋ ءمينيسترى كوروناۆيرۋستىق ينفەكسيا كۇزدە تاعى قايتالاناتىن بولسا، وعان دايىن بولۋ كەرەكتىگىن ايتتى.

«عىلىمي زەرتتەۋ جۇمىستارىن باقىلاۋدا ۇستاپ وتىرمىز. ءتۇرلى- ءتۇرلى بولجامدار بار. ءبىراق قازىرگى كۇنگى بولجام بويىنشا، ءاربىر مەملەكەت 3 ايدىڭ ىشىندە اۋىرۋدان شىعاتىن ءتۇرى بار. ءبىر- ءبىر جارىم ايدىڭ ىشىندە ەڭ جوعارى دەڭگەيگە جەتىپ، ارى قاراي ءار مەملەكەتتە كارانتيندىك شارالار ەنگىزىلۋدە. سوعان بايلانىستى ينفەكسيانىڭ تارالۋ قاۋپىن تومەندەتىپ، وسى ءۇش ايدىڭ سوڭىندا ەڭ تومەن دەڭگەيگە جەتەدى»، - دەدى ەلجان ءبىرتانوۆ.

ەپيدەميانىڭ ءورشۋى باسىلسا دا، كۇن سايىن جاڭادان تىركەلىپ جاتقان ناۋقاستارى بار قىتاي مەن كورەيانى مىسالعا كەلتىرىپ ءوتتى. «قازىرگى بولجام بويىنشا، جاز ايىندا، مۇمكىن كۇزدە دە كوروناۆيرۋستىق ەپيدەميا ارى قاراي جالعاسۋى مۇمكىن. ونى ءبىز بىلەمىز. وسىعان بايلانىستى قازىرگى ۋاقىتتا قاجەتتى شارالار قاراستىرىلىپ جاتىر. ارى قاراي ينفەكتسيا كۇزدە تاعى قايتالاناتىن بولسا، ءبىز وعان دايىن بولۋىمىز كەرەك. ءار ازامات بۇل ينفەكتسيانىڭ ءقاۋپىن ءتۇسىنۋى كەرەك»، - دەدى مينيستر.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات