بيلەت باعاسىن نەگىزسىز وسىرگەنى ءۇشىن 6,7 ميلليارد تەڭگە ايىپپۇل تولەيدى

استانا. قازاقپارات - حالىقتىڭ اۆيابيلەت باعاسىنىڭ ۇزدىكسىز ءوسىمىن قاتتى سىنعا الۋى اياسىندا باسەكەلەستىكتى قورعاۋ جانە دامىتۋ اگەنتتىگى كولىك پروكۋراتۋراسى ورگاندارىمەن بىرلەسىپ، Air Astana قىزمەتىنە تەكسەرۋ جۇرگىزدى، دەپ حابارلايدى قازاقپارات.

تەكسەرۋ قورىتىندىسى بويىنشا ەير استانا ءىس- ارەكەتىندە اۆياتاسىمال نارىعىنداعى ۇستەم جاعدايدى تەرىس پايدالانۋ فاكتىلەرى اشكەرە بولىپ، ءاربىر اۆيابيلەتتەن جانارماي الىمىن نەگىزسىز العانى انىقتالدى.

8- ماۋسىمدا الماتى قالاسىنىڭ مامانداندىرىلعان اكىمشىلىك اۋدانارالىق سوتى ەير استاناعا 6,7 ميلليارد تەڭگە كولەمىندە اكىمشىلىك ايىپپۇل سالدى.

سوت شەشىمى زاڭدى كۇشىنە ەنگەن جوق.