قازاقستاننىڭ التىن- ۆاليۋتا رەزەرۆى 6,7 ميلليارد دوللارعا ۇلعايدى
بۇل تۋرالى ۇكىمەت وتىرىسىندا ق ر ۇلتتىق بانكى ءتوراعاسى ەربولات دوسايەۆ ايتتى، دەپ حابارلايدى قازاقپارات ءتىلشىسى.
«التىن باعاسىنىڭ ءوسۋى ناتيجەسىندە التىن پورتفەلىنىڭ ءبىر جىلدا 4,7 ميلليارد ا ق ش دوللارىنان 23,6 ميلليارد ا ق ش دوللارىنا دەيىن ءوسۋى ەسەبىنەن التىن- ۆاليۋتا رەزەرۆتەرى 2020 -جىلعى 31-جەلتوقساندا الدىن الا دەرەكتەر بويىنشا 6,7 ميلليارد ا ق ش دوللارىنا ۇلعايىپ، 35,7 ميلليارد ا ق ش دوللارى بولدى. التىن- ۆاليۋتا رەزەرۆتەرى قۇرامىنداعى ەركىن كونۆەرتاتسيالاناتىن ۆاليۋتاداعى اكتيۆتەر قاراشىعاناق كونسورتسيۋمىنان وتەماقى اياسىندا قاراجات اكەلىنۋى، ازيا دامۋ بانكىنىڭ قارىزى، سونداي- اق ەكىنشى دەڭگەيدەگى بانكتەر قاراجاتىنىڭ ۇلتتىق بانكتەگى ۆاليۋتالىق شوتتارعا اكەلىنۋى ەسەبىنەن 2 ميلليارد ا ق ش دوللارىنا ءوستى»، - دەدى ەربولات دوسايەۆ.
ونىڭ ايتۋىنشا، ۇلتتىق قوردىڭ اكتيۆتەرى داعدارىسقا قارسى شارالاردى ىسكە اسىرۋ اياسىندا شىعىستاردىڭ تۇسىمدەردەن اسىپ كەتۋىنە جانە مۇناي باعاسىنىڭ قۇلدىراۋىنا بايلانىستى ءبىر جىل ىشىندە 3,1 ميلليارد ا ق ش دوللارىنا تومەندەپ، 58,7 ميلليارد ا ق ش دوللارىن قۇرادى.
«نارىقتىڭ قۇبىلمالىلىعىنا قاراماستان، ۇلتتىق قوردىڭ ينۆەستيتسيالىق كىرىسى 2020 -جىلدىڭ قورىتىندىسى بويىنشا وڭ بولىپ قالدى جانە 4,1 ميلليارد ا ق ش دوللارىن نەمەسە 7,5پايىزدى قۇرادى»، - دەدى ول.