قازاقستاندا 6,5 ميلليون توننا استىق ورىلدى

استانا. قازاقپارات - 12- قىركۇيەكتەگى مالىمەت بويىنشا، قازاقستاندا 6546,8 مىڭ توننا استىق ورىلدى، دەپ حابارلايدى قازاقپارات ءتىلشىسى.

ق ر اۋىل شارۋالىشىعى مينيسترلىگىنىڭ مالىمەتىنشە، ەلدەگى ديحاندار 5 120,1 مىڭ گەكتار استىق جيناعان. بۇل وڭىرلەردەگى جالپى استىق جينالاتىن اۋماقتىڭ 34,1 پايىزىن قۇرايدى. ورتاشا استىق ونىمدىلىگى ءبىر گەكتاردان 12,8 تسەنتنەردى قۇرادى.

2017-جىلدىڭ وسى مەرزىمىندە 11354,5 مىڭ گەكتار نەمەسە وبلىستارداعى جالپى استىق القابىنىڭ 74,2 پايىزى باستىرىلىپ، 14326,2 مىڭ توننا استىق ورىلدى.

قازاقستاندا 2018-جىلى 15005,1 مىڭ گەكتار القاپتان استىق الىنۋى كەرەك. بۇل كورسەتكىش 2017-جىلى 15300,6 مىڭ گەكتار بولعان. سونداي-اق، بيىل ەگىس ناۋقانى كەزىندە 15122,6 مىڭ گەكتار جەرگە، ال 2017-جىلى 15377,2 مىڭ گەكتار القاپقا استىق ەگىلگەن.