مۇحتار ءابىليازوۆتىڭ سىبايلاسى قازاقستانعا 6,3 ميلليارد تەڭگە قايتاردى
بۇل تۋرالى سىبايلاس جەمقورلىققا قارسى ءىس- قيمىل اگەنتتىگىنەن ءمالىم ەتتى، دەپ حابارلايدى قازاقپارات.
«ق ر سىبايلاس جەمقورلىققا قارسى قىزمەتى ق ر باس پروكۋراتۋراسىمەن بىرلەسىپ، «ب ت ا بانكى» ا ق- نىڭ ديرەكتورلار كەڭەسىنىڭ بۇرىنعى ءتوراعاسى مۇحتار ءابىليازوۆ پەن ونىڭ سىبايلاستارىنا قاتىستى سوتقا دەيىنگى تەرگەۋدى جالعاستىرۋدا. قازىرگى ۋاقىتتا قىلمىستىق توپ كەلتىرگەن زالالدىڭ 6,3 ميلليارد تەڭگەسى قوسىمشا وتەلدى.
بۇل - ماسكەۋ قالاسىنداعى ءىرى بيزنەس- ورتالىعىنىڭ قۇرىلىسىنا سالىنعان جانە ءابىليازوۆتىڭ باقىلاۋىنداعى وففشورلىق كومپانياعا قايتارىمسىز نەسيە بەرۋ ارقىلى جىمقىرىلعان ب ت ا بانكىنىڭ قاراجاتى بولىپ تابىلادى. قازاقستانعا سوت تورەلىگىنەن جاسىرىنىپ جۇرگەن تۇلعالاردى ەكستراديتسيالاۋ جانە ءوز ەركىمەن قايتارۋ، باسقا قىلمىستىق ەپيزودتار اياسىندا كەلتىرىلگەن زالالدى وتەۋ بويىنشا جۇمىستار جالعاسۋدا»، - دەلىنگەن اگەنتتىك اقپاراتىندا.