+7 (701) 759 90 19
5 °С : نۇر-سۇلتان
15 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

تالدىقورعاندا جاس ءوسپىرىم 6 كولىكتى توناپ، 3 ۆەلوسيپەدتى ۇرلاپ كەتكەن

24 قىركۇيەك 20:24
:ءبولىسۋ
تالدىقورعاندا جاس ءوسپىرىم 6 كولىكتى توناپ، 3 ۆەلوسيپەدتى ۇرلاپ كەتكەن

تالدىقورعان. قازاقپارات - تالدىقورعاندا كولىك توناۋمەن اينالىسىپ كەلگەن جاس ءوسپىرىم ۇستالدى، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وبلىس ورتالىعىنىڭ 17 جاستاعى تۇرعىنى 6 كولىكتى توناپ، 3 ۆەلوسيپەدتى قولدى ەتكەن. بيىلعى تامىز- قىركۇيەك ايلارىندا تالدىقورعان قالاسىندا كوپقاباتتى ۇيلەردىڭ اۋلالارىندا تۇرعان اۆتوكولىكتەردەن باعالى زاتتاردىڭ قولدى بولۋ دەرەگى جيىلەپ كەتكەن.

از عانا مەرزىم ىشىندە پوليتسەيلەر وسىعان ۇقساس 6 دەرەكتى تىركەدى. سونىمەن قاتار، وسى ۋاقىت ارالىعىندا 3 ۆەلوسيپەد ۇرلانعان. وسى فاكتىلەر بويىنشا ق ر قىلمىستىق كودەكسىنىڭ 188-بابى 3-بولىگى 3-تارماعى جانە 188-بابى 1-بولىگىنە سايكەس قىلمىستىق ىستەر قوزعالدى.

«اتالمىش فاكتىلەردى تەكسەرگەن باتىس ق پ ب اعا جەدەل ۋاكىلى ءالبوسىن بەكزات ءاربىر قىلمىس بويىنشا اقپارات جيناپ، ولارعا قاتىسى بار كۇدىكتىلەردى زەردەلەي باستادى. كەيبىر جەرلەردە كۇدىكتى ۆيدەوكامەرالارعا ءتۇسىپ قالعان. بىرنەشە ۆيدەوجازبانى مۇقيات زەردەلەۋ بارىسىندا كۇدىكتىنىڭ بەينەسى ايقىندالدى. تەرگەۋشى جەدەل ءىس-شارالار جۇرگىزە وتىرىپ، قىلمىسقا قاتىسى بار دەگەن كۇدىكپەن 17 جاستاعى جەرگىلىكتى تۇرعىندى ۇستادى. ول بۇعان دەيىن دە وسىعان ۇقساس قىلمىستار جاساعانى ءۇشىن قۇقىق قورعاۋ ورگاندارىنىڭ نازارىنا تۇسكەن بولاتىن»، - دەپ اتاپ ءوتتى تالدىقورعان قالالىق پوليتسيا باسقارماسىنىڭ باستىعى اسقار نۇرساپا.

كۇدىكتى قىلمىستىق ارەكەتتەرىن مويىندادى. ودان جابىرلەنۋشىلەردەن قولدى بولعان ۇيالى تەلەفوندار، جەمپىر، ۆەلوسيپەد جانە ساعاتتار تاركىلەندى.

«ۇرلانعان اقشانى جاس جىگىت جۇمساپ تاستاعان، كەيبىر زاتتار مەن ەكى ۆەلوسيپەدتى ساتىپ جىبەرگەنى انىقتالدى. وقيعا ورنىندا جاۋاپ الۋ بارىسىندا كۇدىكتى ۇرلىقتى قالاي جانە قايدا جاساعانىن ەگجەي-تەگجەيلى ايتىپ بەردى. ونىڭ كولىكتەردى شاعىن پىشاقتىڭ كومەگىمەن بۇزىپ اشقانى بەلگىلى بولدى»، - دەپ تولىقتىردى پولكوۆنيك ا. نۇرساپا.

كۇدىكتىگە قاتىستى سوتقا دەيىنگى تەرگەپ-تەكسەرۋ اياقتالعانشا «جەكە كەپىلگەرلىك» تۇرىندەگى بۇلتارتپاۋ شاراسى تاڭدالدى.

اۆتور: سامال قابىشەۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات