گونكونگتا اشىلعان ساۋدا-ساتتىقتا اليبابا اكسيالارى 6,3 پايىزعا ءوستى

None
None
گونكونگ. قازاقپارات - سەيسەنبىدە، گونكونگ قور بيرجاسىندا ساۋدانىڭ ءبىرىنشى كۇنىندە، قىتايلىق Alibaba Group Holding Ltd ينتەرنەت كومپانياسىنىڭ باعالى قاعازدارىنىڭ قۇنى %6,3 عا ءوستى، دەپ حابارلايدى «قازاقپارات» ح ا ا مەنشىكتى ءتىلشىسى.

گونكونگ بيرجاسىندا ساۋدا-ساتتىقتىڭ اشىلۋىندا Alibaba كومپانياسىنىڭ ءبىر اكسياسى 176-دان 187 گونكونگ دوللارىنا ($23.89) دەيىن قىمباتتادى.

20 -قاراشاداعى گونكونگ قور بيرجاسىندا باعالى قاعازدار ساۋداسى كەزىندە اليبابا 11 ميلليارد دوللاردان استام قاراجات جينادى. بۇل - گونكونگتا سوڭعى توعىز جىلدا ەڭ كوپ جينالعان قاراجات.

كومپانيا اكسيالارى 9988 كودىمەن ساۋداعا تۇسۋدە، قىتايدا ولار قارقىندى تۇردە وسۋدە.

Alibaba ساۋدا- ساتتىق كەزىندە جينالعان قاراجاتتى ونلاين رەجىمىندە تاماقتانۋ مەن تۋريستىك قىزمەتتەردى دامىتۋ ءۇشىن باعىتتاۋعا جوسپارلاپ وتىر. بۇدان بولەك بۇل كومپانيا ەسەپتەۋ مەن كولىك جۇرگىزۋدى وقىتۋعا كوپ قارجى سالۋعا دا ىنتالى.

Alibaba قىتايداعى ەڭ ءىرى ەلەكتروندى ساۋدا پلاتفورمالارىنا يەلىك ەتەدى. ولاردىڭ ىشىندە ەڭ تانىمالى - Taobao.

اۆتورى رۋسلان سۇلەيمەنوۆ

سوڭعى جاڭالىقتار