بيىل نەگىزگى كاپيتالعا 6,1 تريلليون تەڭگە سوماسىندا ينۆەستيتسيا تارتىلدى

نۇر-سۇلتان. قازاقپارات - نەگىزگى كاپيتالعا 6,1 تريلليون تەڭگە سوماسىندا ينۆەستيتسيا تارتىلدى.

بۇل تۋرالى ۇكىمەت وتىرىسىندا بيىلعى قاڭتار-شىلدەدەگى الەۋمەتتىك-ەكونوميكالىق دامۋ ناتيجەلەرىن تالقىلاۋ كەزىندە ق ر ۇلتتىق ەكونوميكا ءمينيسترى رۋسلان دالەنوۆ ءمالىم ەتتى، دەپ حابارلايدى قازاقپارات ءتىلشىسى.

«نەگىزگى كاپيتالعا 6,1 تريلليون تەڭگە سوماسىندا ينۆەستيتسيا تارتىلدى. 13 ءوڭىر ءوسىم كورسەتتى. ەڭ جوعارى ءوسىم اقمولا (%29,7 كە)، سولتۇستىك قازاقستان (%18,8 كە)، تۇركىستان (%18,7 كە) وبلىستارىندا جانە شىمكەنت قالاسىندا (%23,4 كە) بايقالادى.

4 وڭىردە تومەندەۋ تىركەلدى. بۇل قىزىلوردا (%37,1)، اتىراۋ (%19,9)، باتىس قازاقستان (%9,2)، جانە قاراعاندى (%9,2) وبلىستارى»، - دەدى مينيستر.

سونىمەن قاتار ول قۇرىلىس 6,3 پايىزعا ۇلعايعانىن جەتكىزدى. قۇرىلىس جۇمىستارىنىڭ جوعارى ءوسۋى شىمكەنت قالاسىندا (%58,9 كە) جانە تۇركىستان وبلىسىندا (%52,8 كە) بايقالادى.

«7 ميلليون شارشى مەتر تۇرعىن ءۇي پايدالانۋعا بەرىلدى. بۇل وتكەن جىلدىڭ سايكەس كەزەڭىمەن سالىستىرعاندا 7,5 پايىزعا كوپ»، - دەدى ر. دالەنوۆ.