پ ت ر- تەست تاپسىرعانداردى 5G كومەگىمەن باقىلايدى دەگەن اقپارات راس پا؟

نۇر-سۇلتان. قازاقپارات - الەۋمەتتىك جەلىلەر مەن مەسسەجەرلەردە فەيك بەلسەندى تاراتىلۋدا.

اۆتوردىڭ ايتۋىنشا، ءبىر نەمىس دارىگەرى پ ت ر سىناقتار الۋعا ارنالعان زوندتاردى زەرتتەپ، ولاردان مەتال قاپسىرمالاردى تاپقان.

StopFake.kz بۇل تەوريانىڭ نەگە بۇرىس ەكەنى جايلى ايتادى، دەپ حابارلايدى قازاقپارات.

كەيبىر پايدالانۋشىلاردىڭ پايىمداۋىنشا، ولار جۇتقىنشاقتا قالادى جانە 5G سيگنالىن قابىلداپ، ادامنىڭ وي-ساناسىن باسقارادى.

بىرىنشىدەن، پ ت ر سىناقتارى ۆيسكوزا انجىسى بار ارنايى پوليستيرول زوندتاردان كومەك الىنادى. ولاردا مەتال بولشەكتەر جوق. ەكىنشىدەن، 5G ءدى وي-سانانى باسقارۋ ءۇشىن پايدالانۋ مۇمكىن ەمەس. بۇل - جاڭا بۋىنداعى ۇيالى بايلانىستىڭ ستاندارتى. ول قازىرگى ءوزىمىز داعدىلانعان 3G جانە 4G پرينتسيپىمەن جۇمىس ىستەيدى.

الەمدە ونىڭ كومەگىمەن بىرەۋدىڭ وي-ساناسىن باسقارعان جاعدايلار بولعان جوق. 5G ەرەكشەلىگى - بۇل فورمات جوعارى وتكىزۋ قابىلەتتىلىگىن قامتاماسىز ەتەدى، ياعني كەڭ جولاقتى ينتەرنەتتى قولجەتىمدى ەتەدى. العاشقى pre-5g بازالىق ستانتسياسى 2015-جىلى بارسەلونادا ىسكە قوسىلعان. 2016-جىلى بۇل تەحنولوگيا ءبىرىنشى رەت رەسەيدە سىنالدى. سول كەزدە دەرەكتەردى تاراتۋ جىلدامدىعى 4,5 گبيت/سەك قۇراعان.

ۇشىنشىدەن، قولدانىستاعى 3G جانە 4G سيگنالدارىن مەتال بولىگىمەن ۇستاۋ مۇمكىن ەمەس. بۇل مالىمدەمە جاڭا فورماتتاعى جەلىگە قوسىلۋعا قاتىستى. ول ءۇشىن سىزگە كەم دەگەندە ءبىر انتەنناسى بار جانە ينتەرنەتكە قوسىلا الاتىن سمارتفون، پلانشەت نەمەسە باسقا قۇرىلعى قاجەت بولادى.

بۇگىنگى كۇنى تەك ميكروسكوپپەن عانا كورۋگە بولاتىن كىشكەنتاي انتەننالار جوق.

دەمەك، پ ت ر- تەستتەر ارقىلى 5G مەتالل بولشەكتەردىڭ ەنگىزىلەتىنى تۋرالى مالىمدەمە شىندىققا جاناسپايدى. بۇل جاڭا فورماتتاعى جەلى اينالاسىنداعى العاشقى ميف ەمەس.

بۇعان دەيىن جەلى قولدانۋشىلارى 5G جەلىلەرى COVID-19 تاراتادى دەگەن بولاتىن. د د س ۇ بۇل مالىمدەمەنى جوققا شىعاردى. ۇيىمنىڭ حابارلاۋىنشا، ۆيرۋستار راديو جانە ينتەرنەت سيگنالدارى ارقىلى تارالمايدى.