ميۋنحەن كونفەرەنسياسى: قىتاي مەن ە و-نىڭ 5G جەلىسىنە قاتىستى ماسەلەسى تالقىلاندى

None
None
ميۋنحەن. قازاقپارات - بۇگىن ميۋنحەن قاۋىپسىزدىك كونفەرەنسياسىندا ق ح ر سىرتقى ىستەر ءمينيسترى ۆان ي قىتاي مەن ەۋروپا اراسىنداعى بايلانىستار بويىنشا پىكىر ءبىلدىردى، دەپ حابارلايدى قازاقپارات ءتىلشىسى.

كونفەرەنسيا بارىسىندا وتكەن سەسسيا جۇمىسىندا قىتاي سىرتقى ىستەر مينيسترىنە Huawei كومپانياسىنا قاتىستى ساۋال قويىلدى.

«ەگەر دە ەۋروپالىق وداق قىتايلىق Huawei كومپانياسىنىڭ 5G جەلىسى بويىنشا قاتىسۋىنا شەكتەۋدى قابىلداسا، وندا قىتاي قانداي ءىس- قيمىلدار جاسايدى؟» دەپ سۇرادى كونفەرەنسيا قاتىسۋشىسى.

«كوپ جىلداردان بەرى ەۋروپالىق وداقپەن بايلانىستاردى دامىتىپ كەلەمىز، وسى ۋاقىت ارالىعىندا الەمدەگى جاعداي وزگەرىسكە ۇشىرادى. بىزدە جان- جاقتى ستراتەگيالىق سەرىكتەستىگىمىز بار جانە ونىڭ دەڭگەيى جوعارى. ارينە، كەلىسپەۋشىلىك جاعدايلار دا كەزدەسەدى. ماسەلەن، بىزدە ءارتۇرلى الەۋمەتتىك جۇيەلەرىمىز بار، قۇندىلىقتاردى ءارتۇرلى قابىلدايتىن ساتتەر دە كەزدەسەدى. الايدا بۇل كەلىسپەۋشىلىكتەر جۇزدەگەن جىلدار بۇرىن دا بولعان ەدى. سەبەبى بۇل ايىرماشىلىقتار ءبىزدىڭ تاريحپەن، مادەنيەتپەن بايلانىستى»، - دەپ توقتالدى ۆان ي قويىلعان سۇراققا جاۋاپ بەرە وتىرىپ.

ديپلوماتتىڭ اتاپ وتۋىنشە، ە و مەن ق ح ر ءوزارا تاجىريبەلەرى ارقىلى ءبىر- بىرىنەن ساباق الۋى ءتيىس.

«سوندىقتان قىتاي مەن ەۋروپا ءۇشىن دۇرىس قادام - ول ورتاق پروگرەسس پەن گۇلدەنۋگە جەتۋ ءۇشىن ءبىر- ءبىرىمىزدىڭ تاجىريبەمىزدەن ساباق الۋ. الەمگە ە و مەن ق ح ر-عا قاتىستى ىنتىماقتاستىق كەرەك. قىتاي مەن ەۋروپا اراسىندا قايشىلىق ەمەس، كەرىسىنشە ىنتىماقتاستىقتىق ورتاق نۇكتەلەرى باسىمىراق دەپ سانايمىز» ، - دەدى ۆان ي.

ونىڭ سوزىنە قاراعاندا، ق ح ر مەن ە و جان- جاقتى ستراتەگيالىق سەرىكتەستىكتى قۇردى.

«وسى ورايدا ەۋروپا وسى سەرىكتەستىكتىڭ ماڭىزدىلىعىن نازارعا الىپ، ءوزارا ءتيىمدى بايلانىستاردى قامتاماسىز ەتۋ ءۇشىن بىرلەسكەن كۇش- جىگەرىن سالادى دەپ ۇمىتتەنەمىز. بۇگىندە 5G وزەكتى تاقىرىپتاردىڭ ءبىرى. بۇل تۇرعىدا ەۋروپالىق ەلدەردىڭ ۇستانىمى ءارتۇرلى ەكەنىن بىلەمىن. ارينە، ءاربىر مەملەكەت اقپاراتتىق قاۋىپسىزدىك سالاسىندا جەكەلەي شەشىم قابىلدايدى. دەگەنمەن دە بارلىق كومپانيالار ءۇشىن تەڭدەي جاعداي جاساۋ كەرەك، سونداي-اق كومپانيالار قىزمەتىنە ادىلەتتى اتموسفەرانى قۇرعان ءجون بولار. بۇل قادامدار نارىقتىق تالاپتار مەن نورمالارعا ساي كەلەدى»، - دەدى ق ح ر سىرتقى ىستەر مينيستر.

سوڭعى جاڭالىقتار