16:29, 10 - ماۋسىم 2023 | GMT +6
تۇركيادا زىمىران جاسايتىن زاۋىتتاعى جارىلىستان 5 ادام كوز جۇمدى
انكارا. انادولى- قازاقپارات - تۇركيانىڭ ۇلتتىق قورعانىس مينيسترلىگى MKE قورعانىس كومپانياسىنداعى جارىلىستان قىزمەتكەرلەر قازا تاپقانىن راستادى، دەپ حابارلايدى قازاقپارات انادولى اگەنتتىگىنە سىلتەمە جاساپ.
انكارا پروۆينتسياسىنىڭ ەلماداع اۋدانىندا ورنالاسقان زىمىران تەحنيكاسى مەن جارىلعىش زات شىعاراتىن MKE («ماشينا جانە حيميا ونەركاسىبى» ) زاۋىتىندا جارىلىس بولعان.
وقىس جاعدايدان بەس قىزمەتكەر كوز جۇمدى.
بۇل تۋرالى سەنبىدە تۇركيانىڭ ۇلتتىق قورعانىس مينيسترلىگى حابارلادى.
ۆەدومستۆو 10-ماۋسىم كۇنى تاڭەرتەڭ بولعان قايعىلى وقيعانى اكىمشىلىك تەرگەۋ باستالعانىن اتاپ ءوتتى.
جاعدايدى قۇقىق قورعاۋ ورگاندارى زەردەلەپ جاتىر.
زاۋىت قىزمەتكەرلەرىنىڭ جاقىندارى كاسىپورىننىڭ الدىنا جينالىپ، قانداي دا ءبىر حابار كۇتىپ تۇر.
زارداپ شەككەن ءبىراز جۇمىسشى جەدەل جاردەم كولىگىمەن توڭىرەكتەگى اۋرۋحانالارعا جەتكىزىلگەن. كەيبىرىنىڭ جاعدايى اۋىر ەكەنى حابارلاندى.