نۇرجان التايەۆ ابىلاي مىرزاحمەتوۆتەن اي سايىن 5 مىڭ دوللار پارا العان - انتيكور
بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنەن ءمالىم ەتتى، دەپ حابارلايدى قازاقپارات.
«بيىلعى 7- ماۋسىمىندا سىبايلاس جەمقورلىققا قارسى قىزمەت جاسىرىن ءىس-شارالار كەشەنىنىڭ ناتيجەلەرى بويىنشا ەكس-ۆيتسە-مينيستر ن. ب. التايەۆتى اسا اۋىر جەمقورلىق قىلمىس جاسادى دەگەن كۇدىكپەن ۇستادى.
ن. ب. التايەۆ 2018-2019-جىلدار ارالىعىندا ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى بولا تۇرا، جۇيەلى تۇردە «اتامەكەن» ۇلتتىق كاسىپكەرلەر پالاتاسىنىڭ باسقارما ءتوراعاسى ا. ي. مىرزاحمەتوۆتەن پارا رەتىندە اي سايىن 5000 ا ق ش دوللارى مولشەرىندە اقشا قاراجاتىن الىپ وتىردى دەپ كۇدىكتەنەدى.
كەيىننەن التايەۆ 2019-2020-جىلدار ارالىعىندا ق ر پارلامەنتى ءماجىلىسىنىڭ دەپۋتاتى لاۋازىمىن اتقارا وتىرىپ، مىرزاحمەتوۆتەن پارا الۋ بويىنشا ءوزىنىڭ سىبايلاس جەمقورلىق قىزمەتىن جالعاستىردى. جالپى العاندا، ول پارا رەتىندە 135000 ا ق ش دوللارىن الدى. بۇل اسا ءىرى كولەم بولىپ سانالادى.
الىنعان پارالار ناتيجەلى جۇمىسپەن قامتۋعا جانە جاپپاي كاسىپكەرلىكتى دامىتۋعا ارنالعان «ەڭبەك» مەملەكەتتىك باعدارلاماسى بويىنشا مەملەكەتتىك تاپسىرىستى الۋعا جاردەمدەسۋگە، سونداي-اق التايەۆ جەتەكشىلىك ەتەتىن سالالاردا مىرزاحمەتوۆكە جالپى قامقورلىق جانە مۇددەلەرىنە لوببي جاساۋعا باعىتتالعان»، - دەلىنگەن حابارلامادا.
ءمالىم ەتىلگەندەي، نۇرجان التايەۆ جاساعان قىلمىس جاسىرىن تەرگەۋ ارەكەتتەرىنىڭ ناتيجەلەرىمەن، ءتيىستى قۇجاتتارمەن، زاتتاي دالەلدەمەلەرمەن، بارلىق قاتىسى بار ادامداردىڭ ايعاقتارىمەن جانە ءىستىڭ باسقا ماتەريالدارىمەن راستالدى.
«جينالعان دالەلدەمەلەردى ەسكەرە وتىرىپ، پروكۋراتۋرا ورگاندارىنىڭ كەلىسىمى بويىنشا التايەۆتىڭ ارەكەتتەرى ق ر قىلمىستىق كودەكسىنىڭ 366-بابى 4-بولىگى بويىنشا سارالاندى.
التايەۆ استانا قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى. بۇلتارتپاۋ شاراسى بويىنشا ماسەلە شەشىلۋدە.
ق ر ق پ ك 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى»، - دەلىنگەن ۆەدومستۆو اقپاراتىندا.
ەسكە سالايىق، 7- ماۋسىم كۇنى ەكس-ۆيتسە-مينيستر نۇرجان التايەۆ اسا اۋىر جەمقورلىق قىلمىس جاسادى دەگەن كۇدىكپەن ۇستالعانىن حابارلاعان بولاتىنبىز.