الماتىدا شەتەلدىكتەردىڭ مازاسىن العان تاكسيست 5 تاۋلىككە قاماۋعا الىندى

الماتى. قازاقپارات - الماتى اۋەجايىندا شەتەل ازاماتتارىنان تاسىمال قىزمەتى ءۇشىن قوماقتى قارجى العان تاكسي جۇرگىزۋشىسى بەس تاۋلىككە قاماۋعا الىندى، دەپ حابارلايدى قازاقپارات ءتىلشىسى.

الماتى قالاسى مامانداندىرىلعان اۋدانارالىق اكىمشىلىك سوتىنىڭ مالىمەتىنشە، سوت م- ءنىڭ بۇرىن اكىمشىلىك قۇقىق بۇزۋ كودەكسىنىڭ 449-بابى بويىنشا اكىمشىلىك جاۋاپقا تارتىلعانىن انىقتادى.

م. 2023-جىلدىڭ 21- مامىرىندا الماتى حالىقارالىق اۋەجاي اۋماعىندا قوعامدىق ءتارتىپتى بۇزا وتىرىپ، ءۇندىستان ازاماتى V- عا تاسىمالداۋ قىزمەتىن كورسەتۋ ماقساتىندا ونىڭ مازاسىن العان.

سوت وتىرىسىندا م. كىناسىن مويىنداپ، وكىنەتىنىن ايتتى.

«سوت م- نى كىنالى دەپ تانىپ، وعان 5 تاۋلىككە اكىمشىلىك قاماۋعا الۋ تۇرىندەگى جازا تاعايىندادى»، - دەپ حابارلادى الماتى قالالىق سوتىنىڭ باسپا ءسوز قىزمەتى.

سوت شەشىمى زاڭدى كۇشىنە ەنگەن جوق.

ەسكە سالايىق، 21- مامىر كۇنى تاكسي جۇرگىزۋشىسى الماتى حالىقارالىق اۋەجايىنان ءۇندى ەلىنەن كەلگەن تۋريستەردى قوناق ۇيگە دەيىن 800 دوللارعا جەتكىزگەنىن جازعان بولاتىنبىز.

وسىنداي الاياقتىق جولمەن ول مامىردىڭ باسىندا گەرمانيادان كەلگەن تۋريستەن 400 ەۋرو يەمدەنگەن ەدى.