شەتەلدە 5 مىڭعا جۋىق وتانداسىمىز داۋىس بەردى

استانا. قازاقپارات - شەت مەملەكەتتەردە جۇرگەن مىڭعا جۋىق قازاقستان ازاماتى داۋىس بەردى. بۇل تۋرالى سىرتقى ىستەر ءمينيسترىنىڭ ورىنباسارى رومان ۆاسيلەنكو ايتتى، دەپ حابارلايدى قازاقپارات ءتىلشىسى.

كەزەكتەن تىس پارلامەنت دەپۋتاتتارىن سايلاۋ اياقتالۋعا جاقىن. قازاقستان الەمدىك قاۋىمداستىقتىڭ جاۋاپتى مۇشەسى رەتىندە سايلاۋلاردى حالىقارالىق ستاندارتتارعا سايكەس وتكىزۋگە مۇددەلى بولا وتىرىپ، وعان قاتىسۋعا حالىقارالىق بايقاۋشىلاردى شاقىردى. 12 حالىقارالىق ۇيىم مەن 41 شەت مەملەكەتتەن اككرەديتتەلگەن شەتەلدىك بايقاۋشىلاردىڭ جالپى سانى 793 ادامدى قۇرادى. سونىمەن قاتار سايلاۋدى باقىلاۋعا 246 شەتەلدىك جۋرناليست قاتىسۋدا. استانا مەن الماتى قالالارىندا «حالىقارالىق بايقاۋشىلار مەن شەتەلدىك باق وكىلدەرىنە جاردەمدەسۋ ورتالىقتارى» اشىلدى. اتالعان ورتالىقتار بارلىق قاجەتتى تەحنيكالىق جابدىقتارمەن قامتاماسىز ەتىلگەن جانە بۇگىن تاڭەرتەڭنەن باستاپ بايقاۋشىلار بريفينگتەر مەن كونفەرەنتسيالار فورماتىندا ءوز پىكىرلەرىن ءبىلدىرىپ جاتىر»، - دەدى مينيستر ورىنباسارى ورتالىق سايلاۋ كوميسسياسىنداعى بريفينگ بارىسىندا.

سونىمەن قاتار ول شەتەلدە جۇرگەن قازاقستان ازاماتتارىنىڭ كونستيتۋتسيالىق قۇقىقتارىن قامتاماسىز ەتۋ ءۇشىن 62 شەت مەملەكەتتەگى ديپلوماتيالىق وكىلدىكتەرى جانىنان 77 سايلاۋ ۋچاسكەسىنىڭ اشىلعانىن اتاپ ءوتتى. ولاردا 12016 ادام داۋىس بەرۋى ءتيىس.

«بۇگىن ساعات 18:00 دەگى جاعداي بويىنشا شەتەلدەردەگى 11 سايلاۋ ۋچاسكەسى جۇمىسىن اياقتادى جانە قازىر دە جۇمىس ىستەپ جاتقان ۋچاسكەلەردى شامامەن 5 مىڭ قازاقستان ازاماتى داۋىس بەردى. بۇل 42 پايىزدى قۇرايدى. 66 ۋچاسكە جۇمىسىن جالعاستىرىپ جاتىر. جالپى، شەتەلدەگى داۋىس بەرۋ 20- ناۋرىز كۇنى تاڭەرتەڭگى ساعات 09:00 دە سان-فرانتسيسكوداعى سايلاۋ ۋچاسكەسىندە اياقتالادى»، - دەدى رومان ۆاسيلەنكو.