18:27, 16 - ناۋرىز 2023 | GMT +6
قازاقستان مەن وزبەكستان اراسىنداعى شەكارا سىزىعى 5 شاقىرىمعا ۇزارادى
استانا. قازاقپارات - قازاقستان مەن وزبەكستان اراسىنداعى شەكارا سىزىعى 5 شاقىرىمعا ۇزارادى. بۇل تۋرالى سىرتقى ىستەر ۆيتسە- ءمينيسترى رومان ۆاسيلەنكو سەناتتىڭ جالپى وتىرىسىنان كەيىن ايتتى، دەپ حابارلايدى قازاقپارات ءتىلشىسى.
«كەيىنگى 19 جىلداعى دەماركاتسيامەن بايلانىستى پروتسەستەر كەزىندە شەكارا سىزىعى وتەتىن تۇستار ناقتىلاندى. بۇل ماسەلەدە ەكى تاراپتىڭ دا جەرگىلىكتى حالقىنىڭ مۇددەلەرى، شەكارا كۇزەتىنىڭ قولايلى بولۋى ەسكەرىلدى. وسىلايشا شەكارا سىزىعى 5 شاقىرىمعا ۇزارىپ وتىر. ناقتى ايتساق، تۇتاس شەكارانىڭ ۇزىندىعى 2356 شاقىرىم 666 مەتر بولدى. وسىلايشا 5 شاقىرىمعا ۇزىن بولا ءتۇستى»، - دەدى رومان ۆاسيلەنكو.