باتىس قازاقستاندا 5 جىلعا سوتتالعان ەكس-شەنەۋنىك راقىمشىلىققا ءىلىندى
ب ق و سوتىنىڭ باسپا ءسوز قىزمەتىنەن تۇسكەن مالىمەتكە قاراعاندا، م. ءانۋاروۆ پەن ت. سۇلتانعاليەۆ ق ر ق ك 195-بابى 4-بولىگى 2) - تارماعىنا سايكەس (الداۋ نەمەسە سەنىمدى تەرىس پايدالانۋ جولىمەن ءىرى كولەمدە مۇلىكتىك زيان كەلتىرۋ) ايىپتى دەپ تانىلىپ، بەس جىل مەرزىمگە باس بوستاندىقتارىنان شەكتەلدى.
«قازاقستان رەسپۋبليكاسى تاۋەلسىزدىگىنىڭ 30 جىلدىعىنا بايلانىستى راقىمشىلىق جاساۋ تۋرالى» زاڭعا سايكەس سوتتالۋشىلار جازادان بوساتىلدى.
سوتتا انىقتالعانىنداي، م. ءانۋاروۆ ت. سۇلتانعاليەۆپەن 2019-جىلى الدىن الا ءسوز بايلاسقان.
اتاپ ايتقاندا، كۇن باتارەيالارىن ساتىپ الۋ ءۇشىن شارۋا قوجالىقتارىنىڭ باسشىلارىنا سۋبسيديا الۋعا قۇجاتتار جاساۋعا جاردەم كورسەتكەن. بۇل رەتتە شارۋا قوجالىقتارىنىڭ باسشىلارى ەشتەڭەدەن كۇدىكتەنبەگەن، ءتىپتى قاجەتتى قۇجاتتار مەن وزدەرىنىڭ ەلەكتروندىق-سيفرلىق قولتاڭبالارىن تاپسىرعان. ال كاسىپكەر كۇن باتارەيالارىن الماتى بازارلارىنان تومەن باعامەن ساتىپ العان.
سوتتالۋشىلاردىڭ زاڭعا قايشى ارەكەتتەرى سالدارىنان مەملەكەتكە 5,1 ميلليون تەڭگە كولەمىندە زالال كەلتىرىلگەن.
بۇل رەتتە سوتتالعاندار سوت ۇكىمىمەن كەلىسپەي، اپەللياتسيالىق شاعىم ءتۇسىردى.
ەسكە سالا كەتەيىك، بۇدان بۇرىن ب ق و- دا توك سوعىپ، ەكى قولىنان ايىرىلعان بالانىڭ وقيعاسىنا ۇكىم شىققانىن جازعان بولاتىنبىز.