ەلدەگى ناشاقورلار سانى رەسمي ستاتيستيكادان 5 ەسە كوپ - مينيستر

استانا. قازاقپارات - ىشكى ىستەر ءمينيسترى مارات احمەتجانوۆ ۇكىمەت وتىرىسىندا ەلدەگى ناشاقورلاردىڭ رەسمي ستاتيستيكاداعى سانى ناقتى جاعدايدا الشاق ەكەنىن ءمالىم ەتتى، دەپ حابارلايدى قازاقپارات ءتىلشىسى.

«بۇگىندە ناشاقورلاردىڭ ناقتى جانە سەنىمدى ەسەبى جوق. ساراپشىلاردىڭ پىكىرىنشە، ولاردىڭ ناقتى سانى رەسمي دەرەكتەردەن كەمىندە 5 ەسە كوپ. سوندىقتان، تولىققاندى ەسەپتى قالىپتاستىرۋ ءۇشىن مالىمەتتەردى ءارتۇرلى دەرەكوزدەردەن الۋ قاجەت»، - دەدى مينيستر.

ۆەدومستۆو باسشىسى دەنساۋلىق ساقتاۋ مينيسترلىگىنىڭ ازاماتتاردىڭ بىرنەشە ساناتىنا ەسىرتكىگە قارسى سكرينينگتى مىندەتتەۋ تۋرالى ۇسىنىسىن قولدايتىنىن ايتتى.

«ساراپتاما ەسىرتكى تۇتىنۋشىلاردى ءبىرىنشى ساتىدا انىقتاسا، ونداي ادامداردىڭ 95 پايىزىن قالىپتى ومىرگە ورالتۋعا بولاتىنىن كورسەتىپ وتىر. ءۇشىنشى ساتىدا انىقتالعانداردىڭ 15 پايىزى عانا (وڭالادى- رەد. ). ەسىرتكىنىڭ ءتۇرى كوپ. ءتىپتى مەكتەپتە دە تاراپ جاتىر، ونى ءبىز جاسىرىپ وتىرعان جوقپىز. بۇگىندە ناقتى ەسەبى جوق. مەن بيوماتەريال سكرينينگىن وتكىزۋدى ۇسىنىپ وتىرمىن. نەگىزى بۇل دەنساۋلىق ساقتاۋ مينيسترلىگىنىڭ ۇسىنىسى. ءبىز ونى قولدادىق. ەندى جوعارى وقۋ ورنىنا تۇسكەندە، مەملەكەتتىك جانە اسكەري قىزمەتكە ورنالاسقاندا، جۇمىسقا تۇرعاندا سكرينيگتەن ءوتۋ كەرەك بولادى. قوعام مەن بالالارىمىزدىڭ قاۋىپسىزدىگى ماڭىزدى ەكەنىن ءتۇسىنۋىمىز كەرەك. بيوماتەريالداردان ەسىرتكى انىقتالسا، اكىمشىلىك جاۋاپكەرشىلىككە تارتىلمايدى. ونداي مالىمەت ولاردىڭ اتا- اناسىنا جىبەرىلەدى»، - دەدى مارات