07:34, 10 - ناۋرىز 2023 | GMT +6
مۇعالىمدەر كۇنى ەندى 5- قازاندا مەرەكەلەنەدى
استانا. قازاقپارات - قازاقستاندا پەداگوگتاردىڭ كاسىبي مەرەكەسى - مۇعالىمدەر كۇنى ەندى 5 قازاندا اتاپ وتىلەدى. ق ر ۇكىمەتى ءتيىستى قاۋلى قابىلدادى، دەپ حابارلايدى قازاقپارات.
ۇكىمەتتىڭ رەسمي سايتىندا جاريالنعان مالىمەتتەرگە قاراعاندا، مەملەكەتتىك مەرەكەلەر تىزىمىنە سايكەس، رەسپۋبليكادا مۇعالىمدەر كۇنى وسى ۋاقىتقا دەيىن قازان ايىنىڭ ءبىرىنشى جەكسەنبىسىندە تويلانىپ كەلدى. ەندى بۇل مەرەكە 5- قازاندا الەمنىڭ 100-دەن استام ەلى اتاپ وتەتىن دۇنيەجۇزىلىك مۇعالىمدەر كۇنىمەن سايكەستەندىرىلدى.
مۇعالىمدەر كۇنى - ءبىلىم بەرۋ سالاسىنداعى قىزمەتكەرلەردىڭ بارلىعىنا ورتاق كاسىبي مەرەكە. بۇل كۇنى ۇستازدار قاۋىمىنىڭ قوعام دامۋىنداعى ءرولى مەن ەڭبەگى، وعان قوساتىن زور ۇلەسى اتالىپ وتىلەدى.
وقۋ- اعارتۋ مينيسترلىگىنىڭ مالىمەتىنشە، بۇگىندە قازاقستاندا مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ ۇيىمدارىندا 556 مىڭ پەداگوگ ەڭبەك ەتەدى.
رەداكتور
ايدار وسپاناليەۆ