ەلوردادا ءبىر كۇندە ەسىرتكى ساتۋ مەن ساقتاۋعا قاتىسى بار 5 ادام ۇستالدى

استانا. قازاقپارات - پوليتسيا قىزمەتكەرلەرى ەلوردا اۋماعىنا ەسىرتكى زاتتارىن جەتكىزۋدى جانە وتكىزۋدى جۇزەگە اسىرعان قىلمىستىق توپ جۇمىسىنىڭ جولىن كەستى.

بۇل تۋرال قازاقپارات polisia.kz تەلەگرام كانالىنا سىلتەمە جاساپ حابارلايدى.

توپتىڭ ۇيىمداستىرۋشىسى بۇرىن سوتتالعان 37 جاستاعى ەر ادام. ونىڭ پاتەرىن ءتىنتۋ بارىسىندا ساتۋعا دايىندالعان 8 كەلى گاشيش، ەلەكتروندى تارازى، اۋزى جابىلاتىن پوليەتيلەن قاپشىقتار جانە 450000 تەڭگە تاركىلەندى.

بۇدان ءارى جەدەل ىزدەستىرۋ ءىس-شارالارى جۇرگىزىلىپ، ەسىرتكىنى ساقتاعان، بۋىپ-تۇيگەن جانە ساتۋمەن اينالىسقان قىلمىستىق توپتىڭ تاعى ەكى مۇشەسى ۇستالدى.

پوليتسەيلەر زاڭسىز اينالىمنان 23 كەلىگە جۋىق ەسىرتكى زاتتارىن نەمەسە 46 مىڭنان استام ءبىر رەتتىك دوزانى تاركىلەدى.

بارلىق ۇستالعاندار قاماۋدا، قىلمىستىق ىستەر قوزعالدى.