شىعىس قازاقستاندا جوعالعان 5 ميلليون تەڭگەنىڭ مالى يەسىنە قايتارىلدى

وسكەمەن. قازاقپارات - شىعىس قازاقستان پوليسەيلەرى جوعالعان 5 ميلليون تەڭگەنىڭ مالىن يەسىنە قايتاردى، دەپ حابارلايدى قازاقپارات Polisia.kz كە سىلتەمە جاساپ.

ش ق و پوليتسەيلەرى 48 ساعات ىشىندە قۇنى 5 ميلليون تەڭگەدەن اساتىن مالدى تاۋىپ، يەلەرىنە قايتارعان. شىعىس قازاقستان وبلىسىنىڭ اۋماعىندا 28-30-قاراشا ارالىعىندا پوليتسيا قىزمەتكەرلەرى مال ۇرلىعىن جاساۋعا، ولاردى ۇستاۋعا جانە قىلمىستىق جاۋاپكەرشىلىككە تارتۋعا قاتىسى بار ادامداردى انىقتاۋعا باعىتتالعان «مال ۇرلىعى» رەسپۋبليكالىق جەدەل- پروفيلاكتيكالىق ءىس- شاراسىن وتكىزدى. ەكى كۇن ىشىندە كريمينالدىق پوليتسيا قىزمەتكەرلەرى بۇرىن جاسالعان مال ۇرلىعىنىڭ 10 فاكتىسىن اشتى. ولاردىڭ ءبىرى «اۋىر» ساناتتا.

سونىمەن قاتار پوليسەيلەر سوماسى بەس ميلليون تەڭگەدەن استام 19 باس مالدى قايتارىپ بەرگەن. سونداي- اق ءتارتىپ ساقشىلارى اۋماقتىق ۆەتەريناريا قىزمەتتەرىمەن بىرلەسىپ، مال مەن ەت ونىمدەرىن تاسىمالدايتىن 400 دەن استام كولىكتى تەكسەرگەن. تەكسەرۋ شارۋا قوجالىقتارىندا، مال مەن ەت ونىمدەرىن وتكىزۋ ورىندارىندا جۇرگىزىلدى. ناتيجەسىندە ۆەتەريناريا سالاسىندا 35 قۇقىق بۇزۋشىلىق انىقتالدى. ونىڭ ىشىندە 22 ءسى ءتيىستى قۇجاتتارسىز مال نەمەسە ەت تاسىمالداعانى ءۇشىن تىركەلگەن. 48 ساعات ىشىندە وتكەن ءجپىش بارىسىندا 80 نەن استام قوجايىن مال باققانى ءۇشىن جاۋاپكەرشىلىككە تارتىلعانىن اتاپ وتكەن ءجون.

اتالعان باعىتتاعى جۇمىس دەپارتامەنت باسشىلىعىنىڭ تۇراقتى باقىلاۋىندا بولادى.