ادەپسىز مىنەز- قۇلىق تانىتقان انشىلەر ساحنادان 5 جىلعا شەتتەتىلە مە

None
None
نۇر- سۇلتان. قازاقپارات - ساحنادا ادەپسىز مىنەز- قۇلىق تانىتقان انشىلەردى 5 جىلعا دەيىن شەتتەتۋ كرەاتيۆتى يندۋستريا نارىعىنىڭ دامۋىنا تەرىس اسەر ەتۋى مۇمكىن.

بۇل جايىندا سەنات دەپۋتاتتارىنىڭ ساۋالىنا ق ر پرەمەر- ءمينيسترى ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«ق ر مادەنيەت جانە سپورت مينيسترلىگى ويىن- ساۋىق مادەني- بۇقارالىق ءىس- شارالاردى وتكىزۋ ءتارتىبى جانە ولاردى ۇيىمداستىرۋشىلاردىڭ مىندەتتەرى قازاقستان رەسپۋبليكاسىنىڭ «مادەنيەت تۋرالى» زاڭىندا قاراستىرىلعانىن، الايدا بۇل مىندەتتەردى ورىنداماعانى ءۇشىن جاۋاپكەرشىلىك ۇيىمداستىرۋشى مەن ورىنداۋشى اراسىندا تەك ازاماتتىق- قۇقىقتىق شارتپەن رەتتەلەتىنىن اتاپ وتەدى. بۇل رەتتە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىندە ويىن- ساۋىق مادەني- بۇقارالىق ءىس- شارالاردى جانە تاعى باسقالارىن وتكىزۋ بارىسىندا كورەرمەنمەن قارىم- قاتىناس كەزىندە ارتىستەردىڭ ادەپسىز مىنەز- قۇلىق تانىتقانى ءۇشىن ۇيىمداستىرۋشىلارعا جاۋاپكەرشىلىكتى قاراستىرۋ بويىنشا مۇددەلى مەملەكەتتىك ورگاندارعا تاپسىرما بەرىلدى»، - دەدى ۇكىمەت باسشىسى جاۋابىندا.

سونىمەن قاتار، پرەمەر- مينيستر ۇيىمداستىرۋشىلاردىڭ ءتيىستى قىزمەتىن نەمەسە جەكەلەگەن قىزمەت تۇرلەرىن توقتاتۋ جانە تىيىم سالۋ، سونداي- اق انشىلەردى 5 جىلعا دەيىن ساحنادان شەتتەتۋ كرەاتيۆتى يندۋستريا نارىعىنىڭ دامۋىنا تەرىس اسەر ەتۋى مۇمكىن ەكەندىگىن العا تارتادى.

«ءوز كەزەگىندە قازاقستان رەسپۋبليكاسىنىڭ ىشكى ىستەر مينيسترلىگى مۇددەلى مەملەكەتتىك ورگاندارمەن بىرلەسىپ، ۆانداليزم ءۇشىن جاۋاپكەرشىلىكتى قاتاڭداتۋ جونىندەگى كەلىسىم بويىنشا ۇساق بۇزاقىلىق جاساعانى ءۇشىن سانكسيالاردى ۇلعايتۋدى كوزدەيتىن قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە زاڭنامالىق تۇزەتۋلەردى ازىرلەپ (434-بابى)، ولاردىڭ شەكتى مولشەرلەرىن بەلگىلەدى: 1) 1- ءبولىم بويىنشا - 5-تەن 20 ا ە ك- كە دەيىن ايىپپۇل، سونداي- اق اكىمشىلىك قاماۋعا الۋدىڭ ەڭ تومەنگى شەگى 5-تەن 15 تاۋلىككە دەيىن؛ 2) 2- ءبولىم بويىنشا - اكىمشىلىك قاماققا الۋدىڭ ەڭ تومەنگى شەگى 15-تەن 30 تاۋلىككە دەيىن»، - دەدى ءاليحان سمايىلوۆ.

فوتو: americasfuture.org


سوڭعى جاڭالىقتار