پوليتسيانىڭ 5 قىزمەتكەرى قاڭتار وقيعاسىنا قاتىسقانداردى ازاپتادى دەگەن كۇدىككە ءىلىندى
باسپا ءسوز قىزمەتىنىڭ مالىمەتتەرىنە قاراعاندا، مەملەكەت باسشىسىنىڭ تاپسىرماسىن ورىنداۋ ماقساتىندا پروكۋراتۋرا ورگاندارى قاڭتار ايىنداعى وقيعالار كەزەىندە ۇستالعانداردى ازاپتاعان پوليتسيا قىزمەتكەرلەرىنە قاتىستى قىلمىستىق ىستەردى تەرگەۋدى جالعاستىرۋدا.
قازىرگى ۋاقىتتا ارنايى پروكۋرورلار الماتى وبلىسىنىڭ پوليتسيا دەپارتامەنتىندە ۇتىك باسۋمەن ازاپتاۋدى قولدانۋ تۋرالى ءىس بويىنشا تەرگەۋ ارەكەتتەرىن اياقتادى. ناتيجەسىندە پوليتسيا قىزمەتكەرلەرىنىڭ 2022 -جىلعى 7-17-قاڭتار ارالىعىندا تالدىقورعان قالاسىندا جاپپاي تارتىپسىزدىك جاساعانى ءۇشىن ۇستالعان 23 ازاماتقا ازاپتاۋ قولدانعانى دالەلدەندى.
«قىلمىستىق كودەكستىڭ 146-بابى بويىنشا 5 پوليتسيا قىزمەتكەرى كۇدىكتى دەپ تانىلدى. ولاردىڭ اراسىندا 3 كريمينالدىق پوليتسيا باسقارماسىنىڭ قىزمەتكەرى، 1 اكىمشىلىك پوليتسيا باسقارماسىنىڭ ينسپەكتورى جانە 1 ج ق ا ج قىزمەتكەرى بار. 2022 -جىلعى 4-تامىزدا قىلمىستىق ءىس ءمانى بويىنشا قاراۋ ءۇشىن سوتقا جولداندى. ازاپتاۋدى قولدانۋدىڭ باسقا دا فاكتىلەرىن تەرگەۋ اياقتالۋعا جاقىن»، - دەلىنگەن حابارلامادا.
رەداكتور ايدار وسپانالي