ەش مەملەكەتتىڭ مەنشىگىنە جاتپايتىن 5 جەر
27 ماۋسىم 19:58

ەش مەملەكەتتىڭ مەنشىگىنە جاتپايتىن 5 جەر

نۇر-سۇلتان. قازاقپارات - ەشكىمگە تيەسىلى ەمەس اۋماقتار - بۇل ەشبىر مەملەكەتتىڭ مەنشىگىندەگى ەمەس جەرلەر.

مۇنداي جەرلەردى ەرتەرەكتە terra nullius دەپ اتاعان. تەrra nullius - ريم قۇقىعىنان شىققان لاتىن تىلىنەن اۋدارعاندا «داۋلى جەر» دەپ اتالادى. تەرمين حالىقارالىق قۇقىقتا، ەگەر اۋماق ەشبىر مەملەكەتتىڭ مەنشىگىندە بولماسا نەمەسە مەملەكەت وسى اۋماقتان باس تارتقان بولسا قولدانىلادى.

بۇل تەرمين XVIII عاسىردان ⅩⅩ عاسىردىڭ باسىنا دەيىن ەۋروپالىق وتارلاۋدا ۇلكەن ءرول اتقاردى، ويتكەنى terra nullius از حالقى بار نەمەسە ەشبىر دەرجاۆاعا جاتپايتىن ابوريگەندەر قونىستانعان جەر دەپ جاريالاندى. بۇل ونى كەز كەلگەن ەۋروپالىق دەرجاۆانىڭ جاۋلاپ الىپ، وتارلاۋىنا بولاتىنىن ءبىلدىردى.

zen.yandex جازعان الەمدەگى ەش مەملەكەتتىڭ مەنشىگىنە جاتپايتىن 5 جەردى ۇسىنامىز.

بير-تاۆيل

بير-تاۆيل - اۋدانى 2060 شارشى شاقىرىم جەر ەشكىمنىڭ مەنشىگىندە ەمەس. ول سۋدان مەن ەگيپەت شەكاراسىندا ورنالاسقان. ءبىر تاڭقالارلىعى، ەكى ەل دە بير-تاۆيلدى وزىنىكى دەۋدەن ءۇزىلدى-كەسىلدى باس تارتىپ، ءبىر-بىرىنە سەنىڭ جەرىڭ دەۋمەن كەلەدى.

بۇل ايماق ⅩⅨ عاسىردا افريكانىڭ ەكى ەلىن دە وتارلاعان بريتاندىق ساياساتتىڭ كەسىرىنەن وسىنداي قيىن جاعدايعا تاپ بولدى. 1898-جىلعا قاراي بريتاندىقتار ەگيپەت پەن سۋدان اراسىنداعى شەكارانى 22-پاراللەل بويىمەن كەستى. الايدا 1902-جىلعا قاراي ۇلى بريتانيا ءبىرجاقتى تارتىپپەن جەردى مىسىرعا جانە تاعى ءبىر ايماق - حالەيبا ءۇشبۇرىشىن سۋدانعا بەرۋگە شەشىم قابىلدادى. مىسىرلىقتار بۇل شەشىمگە قاتتى نارازىلىق تانىتتى. ويتكەنى ءبىر كەزدەرى ولارعا تيەسىلى ءۇشبۇرىش مۇنايعا باي جانە قۇنارلى جەر بولاتىن. ال بير-تاۆيل قۇرعاق ءشول دالا.

1995-جىلى ۇزاققا سوزىلعان شەكارالىق قاقتىعىستاردان كەيىن مىسىر حالايبانى قايتارىپ الىپ، بير-تاۆيلدى سۋدانعا بەردى. ءبىراق بۇل ايماق ەشكىمگە قاجەتسىز بولىپ شىقتى، ال قازىر وندا ءومىر ءسۇرۋ قاۋىپتى جانە ادام تۇرمايدى.

گورنيا سيگا

سەربيا مەن حورۆاتيا شەكاراسىندا ورنالاسقان، نۋ ورماندى جەر نەبارى 7 شارشى شاقىرىمدى الىپ جاتىر. يۋگوسلاۆيا مەملەكەتى ىدىراعاننان كەيىن ايماق يەسىز قالدى، ال جاڭا تاۋەلسىز مەملەكەتتەر اراسىنداعى شەكارا داۋى سودان بەرى تولاستاعان جوق.

2015-جىلى چەح بەلسەندىسى ۆيت ەدليچكا سول جەردە ۆيرتۋالدى مەملەكەت قۇرىپ، ءارتۇرلى ەلدەردەن كەلگەن 30 دان استام ادامعا ازاماتتىق بەرگەن. سوعان قاراماستان، حورۆاتيا مەن سەرب شەكاراشىلارى ەشكىمدى ىشكە كىرگىزبەي، ايماق بوس كۇيىندە قالىپ وتىر.

انتاركتيداعى مەري بەرد جەرى

1959-جىلعى كونۆەنتسيا بويىنشا انتاركتيدا ەشبىر مەملەكەت مەنشىگىنە جاتپايدى. وندا تەك عىلىمي قىزمەتكە رۇقسات ەتىلدى. ءبىراق كوپتەگەن مەملەكەتتەر وعان دەيىن انتاركتيدانى ءبولىپ الۋعا تىرىستى.

1951-جىلى جاپونيا اۋماقتى يەلەنۋ قۇقىعىنان باس تارتقاننان كەيىن بۇل جەر جالعىز داۋلى اۋماققا اينالدى. 1959-جىلعا دەيىن ا ق ش جەردى ءوز مەنشىگىنە الۋعا تىرىسقان.

قازىر مەري بەرد لەند اۋماعىنداعى تانىمال ەكى ستانتسيا بار. ولاردىڭ ءبىرى - رەسەيلىك «رۋسسكايا» بولسا، ەكىنشىسى امەريكالىق «بەرد» ستانتسياسى.

ەكى تاراپ تا بولاشاقتا سەكتوردى يەلەنۋ ءۇشىن كۇرەسۋگە دايىن ەكەندىكتەرىن العا تارتادى.

باتىس ساحارا

افريكانىڭ سولتۇستىك-باتىسىنداعى 26800 شارشى شاقىرىم اۋماقتى جاڭا زەلانديا، يتاليا نەمەسە ۇلى بريتانيامەن سالىستىرۋعا بولادى. اۋداننىڭ 96 پايىزى سۋسىز ايماق بولعانىمەن، باتىس ساحارا مۇنايعا، تەمىرگە، فوسفورعا باي، سوندىقتان بۇل جەردى يەمدەنۋ ءۇشىن كورشىلەس ەلدەر اراسىندا كۇرەس جۇرۋدە.

ماروككو مەن ءوزىن-ءوزى جاريالاعان ساحارا اراب دەموكراتيالىق رەسپۋبليكاسى ەلدەرى بۇل اۋماقتى ءوز مەنشىگىنە الۋعا تىرىسىپ جاتىر.

سكاربورو بۇعازى

وڭتۇستىك قىتاي تەڭىزىندەگى 150 شارشى شاقىرىم اۋماقتى الىپ جاتقان ەكى ارال مۇناي مەن گازعا باي. سوندىقتان بۇل جەرگە قىتاي، ۆەتنام، فيليپپين، مالايزيا، برۋنەي جانە تايۆان تالاسادى. ارالدا ادام تۇرمايدى.

رەسمي تۇردە سكاربورو ەشكىمگە تيەسىلى ەمەس. دەگەنمەن، قىتاي مىقتى باسەكەلەس رەتىندە بۇعازدى ءىس جۇزىندە ءوزى مەنشىكتەپ الماقشى. اسكەري كەمەلەر اۋماقتى كۇزەتىپ، بوگدە ادامداردى جىبەرمەيدى. قىتاي حالىقارالىق سوت شەشىمدەرى مەن كورشىلەرىنىڭ نارازىلىقتارىن ەلەمەي، ونى ⅩⅢ عاسىردا قىتاي تەڭىزشىلەرى اشقانىن العا تارتىپ وتىر.

massaget.kz


جاڭالىقتار