23 مامىر 21:31

سىزگە قۋات بەرەتىن 5 ازىق- تۇلىك

نۇر-سۇلتان. قازاقپارات - ۇنەمى سەرگەك ءجۇرۋ ءۇشىن نە ىستەۋ كەرەك؟ ول ءۇشىن سپورتپەن شۇعىلدانىڭىز، تازا اۋادا ءجيى سەرۋەندەڭىز جانە ءسىزدى قۋاتپەن قامتاماسىز ەتەتىن ونىمدەر جەڭىز.

ەندەشە، تەز شارشاپ قالاتىنىڭىزدى بايقاپ جۇرسەڭىز، مىنا ونىمدەردى راتسيونىڭىزعا قوسىڭىز.

1. كاكاو

كاكاو — PQQ- ءدىڭ (ۆ14 دارۋمەنى) ناعىز كوزى. ول جاسۋشالار دەڭگەيىندە قۋاتتايدى، مي جۇمىسىن بەلسەندى ەتەدى. كاكاونى تاڭەرتەڭ ىشكەن دۇرىس. سونداي- اق كاكاودا پوليفەنولدار بار. ولار ءبىزدىڭ جاسۋشالار مەن قان تامىرلاردى سىرتقى ورتانىڭ ءتۇرلى جاعىمسىز فاكتورلارىنىڭ زاقىمداۋشى اسەرىنەن قورعايدى.

2. كيۆي

بۇل شىرىندى جاسىل جەمىس — قۇرامىنداعى س دارۋمەنىنىڭ مولشەرى بويىنشا رەكوردشىلاردىڭ ءبىرى. بۇل دارۋمەن يممۋندى جۇيە ءۇشىن وتە پايدالى ەكەنىن بىلەمىز. ول سونداي- اق ءۇش باقىت گورمونىنىڭ ءبىرى - وكسيتوتسين سينتەزىنە جاۋاپ بەرەتىن فەرمەنتتەردىڭ جۇمىسىنا وتە قاجەت. كۇنىنە 1-2 كيۆي جەۋ سىزگە قۋات بەرەدى جانە كوڭىل كۇيىڭىزدى جاقسارتادى.

3. ماكاداميا جاڭعاعى

ماكاداميا جاڭعاعىنىڭ ءتاتتى جەمىسى - ۆ توبى دارۋمەندەرىنىڭ كەرەمەت كوزى. ولار زات الماسۋ پروتسەسىن بەلسەندى ەتەدى، جۇيكە جانە يممۋندى جۇيە جۇمىسىن جاقسارتادى جانە ەنەرگيا وڭدەلۋىنە ىقپال ەتەدى. ماكاداميا جاڭعاعى ۆ توبى دارۋمەندەرىنەن باسقا جاسۇنىقتارعا باي. ونىڭ تاۋلىكتىك نورماسىنىڭ شامامەن %7 ىن وسى جاڭعاقتان الۋعا بولادى. ول اعزا كۇش سىيلايدى.

4. تەڭىز ونىمدەرى

تەڭىز ونىمدەرىن جۇيەلى تۇردە جەيتىن ادامدار اپاتيا، دەپرەسسيا جانە ومىرلىك كۇشتىڭ ازايۋىمەن سيرەك قينالادى. ونىڭ سەبەبى — تەڭىز ونىمدەرى ومەگا-3 مايلى قىشقىلدارىنا، ۆ12 دارۋمەنىنە جانە تيروزينگە باي. تيروزين مەن اعزاداعى ونىڭ تۋىندىلارىنىڭ ارقاسىندا كۇيزەلىسپەن كۇرەسەتىن دوفامين مەن نورادرەنالين وڭدەلەدى. ال ۆ12 دارۋمەنى مەن ومەگا-3 مايلى قىشقىلى باقىت گورمونى — سەروتونين سينتەزىنە قاتىسادى: كوڭىل كۇي، ۇيقى جانە ەستە ساقتاۋ جاقسارادى.

5. اۆوكادو

اۆوكادودا فولي قىشقىلىنىڭ جوعارى دەڭگەيى بار. ول دەپرەسسيا تۋىنداۋ قاۋپىن ازايتادى. راتسيونعا اۆوكادو قوسۋ جالپى دەنساۋلىققا جاعىمدى اسەر بەرەدى. ونىڭ قۇرامىنداعى پايدالى زاتتار ەستە ساقتاۋ مەن قان اينالىمدى جاقسارتادى، كۇيزەلىسپەن كۇرەسۋگە كومەكتەسەدى، شارشاڭقىلىق پەن اشۋلانشاقتىقتى باسادى. اۆوكادودا پايدالى مايلار كوپ بولعاندىقتان، ودان جەگەن سوڭ ۇزاققا دەيىن تويىمدى ءارى سەرگەك جۇرەسىز.

massaget.kz

جاڭالىقتار