قىتاي مەن وڭتۇستىك- شىعىس ازيا ەلدەرىن 5 مىڭ ك م سۋاستى كابەلى بايلانىستىراتىن بولادى
بۇل تۋرالى مەگاجوبا سەرىكتەستەرىنىڭ ءبىرى بولعان قىتايلىق CMI تەلەكوممۋنيكاتسيا كومپانياسىنىڭ مالىمدەمەسىندە ايتىلعان، دەپ حابارلايدى قازاقپارات.
SEA- H2X دەپ اتالاتىن سۋاستى كابەلدىك جۇيەسى گونكونگ، حاينان، فيليپپين، تايلاند، مالايزيا جانە سينگاپۋردى ءوزارا بايلانىستىرىپ، بولاشاقتا ۆەتنام، كامبودجا جانە يندونەزياعا دەيىن جەتكىزىلمەك. وتكىزۋ قابىلەتى 160 تەرابيت/سەك بولاتىن 8 جۇپ وپتيكالىق تالشىقتان تۇراتىن كابەلدىڭ ۇزىندىعى 5000 ك م بولادى. جوسپارعا سايكەس، ينفراقۇرىلىم 2024 -جىلعا قاراي پايدالانۋعا دايىن بولۋى ءتيىس.
جوبانىڭ تاعى ءبىر سەرىكتەسى - CUG تەلەكوممۋنيكاتسيالىق كومپانياسىنىڭ مالىمدەمەسىندە سۋاستى كابەلىنىڭ سيفرلىق داۋىردە سەنىمدى، قاۋىپسىز جانە قولجەتىمدى جاھاندىق جەلىلىك قوسىلىمداردى قۇرۋ ءۇشىن وتە قاجەت ەكەنى، SEA- H2X ايماقتا قۋاتى جوعارى، ماڭىزدى جۇيە رەتىندە گونكونگ ا ە ا، حاينان ە ە ا جانە وڭتۇستىك- شىعىس ازيا ەلدەرىمەن بايلانىستى ودان ءارى جاقسارتىپ، ۇزدىكسىز ساۋدا، بايلانىس جانە قارجىلىق ينتەگراتسياعا ىقپال ەتەتىنى ايتىلعان.
اۆتور: زارينا تۋعانبايەۆا