قۇرامىندا قانتى كوپ 5 سۋسىن

نۇر-سۇلتان. قازاقپارات – سالاۋاتتى ءومىر سالتىن ۇستانۋعا تىرىسىپ جۇرسەڭىز، قانت مولشەرىن ازايتۋدى قولعا العان بولارسىز؟!

كۇندەلىكتى راتسيونىڭىزدان شوكولاد پەن پەچەنەنى الۋ - بەلگىلى قادام، ال نە ءىشىپ جۇرگەنىڭىزگە قانشالىقتى ءمان بەرەسىز؟ جالپى حال-جاعدايىڭىز بەن دەنە پىشىنىڭىزگە زيان كەلتىرەتىن قۇرامىندا قانت مولشەرى كوپ 5 سۋسىندى ۇسىنامىز.

ىستىق شوكولاد

جاڭبىرلى كۇنى كافەگە كىرىپ، ىستىق شوكولادقا تاپسىرىس بەرگەندى جاقسى كورەتىندەر بار. الايدا ءبىر ستاقان ىستىق شوكولادتا شامامەن 400 كالوريا جانە 43 گرام قانت بار. ەگەر بۇل سۋسىنعا زەفير مەن كىلەگەي سالساڭىز، ونىڭ كالورياسى ودان سايىن ارتادى. ونىڭ ۇيرەنشىكتى ءتۇرىن اششى تۇرىنە الماستىرىڭىز جانە كىلەگەيدىڭ ورنىنا تومەن كالوريالى وسىمدىك ءسۇتىن تاڭداڭىز.

گازدالعان سۋسىن

گازدالعان سۋسىنداردىڭ اعزاعا زيانى جايلى شەكسىز ۇزاق ايتۋعا بولادى. بۇل سۋسىن تەك سالماققا جانە تىستەر جاعدايىنا عانا ەمەس، سونداي-اق قارتايۋ پروتسەستەرىنە، ءتىپتى، دەپرەسسيالىق جاعدايعا دا اسەر ەتەدى. گازدالعان سۋسىننىڭ ورتاشا قۇتىسىندا 40 گرام كومىرسۋلار جانە شامامەن 150 كالوريا بولادى. كوپشىلىك ديەتولوگتار گازدالعان سۋسىنداردان باس تارتۋعا كەڭەس بەرەدى. ەڭ بولماعاندا، ونى بىرنەشە كۇندە ءبىر رەت جانە تەك ءبىر قۇتى عانا ءىشۋ كەرەك.

ەنەرگەتيكالىق سۋسىندار

ەنەرگەتيكالىق نەمەسە سپورتتىق سۋسىندار ۇزاق مەرزىمدى قارقىندى جاتتىعۋلار كەزىندە سپورتشىلارعا ىشۋگە ارنالعان. ولاردىڭ قۇرامىندا جىلدام سىڭەتىن جانە ەنەرگيا الۋعا قولدانىلاتىن قانت كوپ. كەي ءبىر قۇتى ەنەرگەتيكالىق سۋسىندا 21 شاي قاسىققا دەيىن قانت بولادى. ەگەر اسا ءتيىمدى سپورتشى بولساڭىز نەمەسە ۇزاق ۋاقىت جاتتىقساڭىز، وندا ءسىزدىڭ دەنەڭىز بۇل قانتتاردى ەنەرگياعا تۇرلەندىرۋگە قابىلەتتى بولا الادى. ەگەر ولاي بولماسا، ونىڭ ورنىنا سۋ ىشكەن دۇرىس.

ءسۇتتى كوكتەيل

ادەتتە، كافەلەردەگى ءسۇتتى كوكتەيلدەر بالمۇزداق، كىلەگەي، شوكولاد جانە ءتاتتى سەپپەلەردەن تۇرادى. بىردەن بىرنەشە دەسەرتتى اۋىستىرا الاتىن مۇنداي سۋسىندار الەۋمەتتىك جەلىلەردە كەڭ تاراپ كەتتى. ءبىراق ولاردا 1000 نان ارتىق كالوريا بولۋى مۇمكىن. مۇنداي كوكتەيل ىشكىڭىز كەلگەن كەزدە بانان جانە قۇرما (فينيك) سەكىلدى تابيعي تاتتىلەندىرگىشتەر قوسىلعان ءتۇرىن ىزدەپ كورىڭىز.

الكوگولدى سۋسىندار

قۇرامىندا قانتى كوپ الكوگولدى سۋسىندارعا گرادۋسى جوعارى سۋسىندار عانا ەمەس، سىرا مەن ۆينو دا جاتادى.

massaget.kz