USD 425.02 EUR 450.1
RUB 7.17 CNY 63.75
جاڭالىقتار

قازاقستاندا ۆاكسينالاردىڭ 5 ميلليون دوزا قورى بار - ۇكىمەت

18 قاڭتار 20:14
:ءبولىسۋ
قازاقستاندا ۆاكسينالاردىڭ 5 ميلليون دوزا قورى بار - ۇكىمەت

نۇر-سۇلتان. قازاقپارات - ۆاكسينالاۋ ءۇشىن ەلىمىزدە بارلىق قاجەتتى جاعدايلار جاسالعان.

بۇل تۋرالى ق ر پرەمەر- ءمينيسترىنىڭ ورىنباسارى ەرالى توعجانوۆ ايتىپ بەردى، دەپ حابارلايدى قازاقپارات ءتىلشىسى.

«ۆاكسينالاۋ ءۇشىن ەلىمىزدە بارلىق قاجەتتى جاعدايلار جاسالعان. ۆاكسينالاردىڭ شامامەن 5 ميلليون دوزا قورى بار، ونىڭ ىشىندە 2,8 ميلليون دوزا ۆاكتسينالاۋعا جانە 2,2 ميلليون دوزا ريەۆاكسينالاۋعا ارنالعان. سونىمەن قاتار، حالىقتىڭ نەعۇرلىم وسال توبىن قورعاۋ ءۇشىن ريەۆاكسينالاۋعا ارنالعان ۆاكسينالاردى تاڭداۋ اياسى كەڭەيتىلدى. 60 جاستان اسقان ادامدارعا قوسىمشا كوميرناتي (Phizer) ۆاكسيناسى ۇسىنىلادى»، - دەدى ە. توعجانوۆ ورتالىق كوممۋنيكاتسيالار قىزمەتىندە.

سونىمەن بىرگە، ەل وڭىرلەرى دە 23,8 ميلليون استام ۆاكسينا دوزاسىمەن قامتاماسىز ەتىلگەن.

«بۇگىن ۆاكسينالاۋدان وتسەڭىز - كەلەشەكتە جۇققان اۋرۋدىڭ جەڭىل ءوتۋىن قامتاماسىز ەتەسىز. ريەۆاكسينالاۋدىڭ تيىمدىلىگى ۆاكسينالاۋ اسەرىنەن دە اسىپ تۇسەتىنى بۇرىننان دالەلدەنگەن. سونىمەن قاتار، ريەۆاكسينالاۋ اۋرۋدىڭ اۋىر تۇرلەرىنەن، اۋرۋحاناعا جاتقىزۋدان جانە ولىمنەن %70 عا دەيىن قورعايدى. كەشەندى ۆاكسينالاۋدان وتكەن سوڭ عانا ءبىز ءولىم جاعدايلارىنىڭ سانىن توقتاتىپ، الدىن الا الامىز»، - دەپ ءتۇسىندىردى ە. توعجانوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات